Facite Ammuina

Stu mito è addeventato ogge nu canusciuto favezo storeco, canusciuto int’‘a cultura popolare.

Chistu documento fuje scritto comme fosse n'ordine riale 'e l'anno 1841, forse fatta d’‘e furastiere c’‘appuggiaieno 'e Savoia. Se riceva ca era n'ordine 'ra Real Marina e ca veneva ausata quanno venevano 'e cchiù avute cariche d’‘o stato.

Chesto è chello che sta scritt a 'int’‘o documento:

All'ordine "Facite Ammuina": tutti chilli che stanno a prora vann'a poppa e chilli che stann'a poppa vann'a prora; chilli che stann'a dritta vann'a sinistra e chilli che stanno a sinistra vann' a dritta; tutti chilli che stanno abbascio vann 'ncoppa e chilli che stanno 'ncoppa vann'abbascio, passann' tutti p'ò stesso pertuso; chi nun tien nient'a ffa, s' aremeni a 'cca e a 'lla.

Ordine: "FACITE AMMUINA"!!!

N.B.: Da usare in occasione di visite a bordo delle Alte Autorità del Regno.

'A lengua ausata a 'int’‘o documento fà verè paricchie pprove ca nce facessero capace d’‘a favezetà comme documento napulitano:

• C'è scritto p'esempio: vann' a prora, vann' a poppa ecc, quanno s'avesse scrivere: jessero a prora, jessero a poppa, ecc.
• C'è scritto: sinistra, quanno fosse "manca".
• 'E codice int’‘a Marina d’‘e Ddoje Sicilie se screvevano 'n italiano.
• 'O grado Maresciallo in capo dei legni e dei bastimenti della Real Marina è mmentato.

'A Marina d’‘e Ddoje Sicilie, seria e disciplinata, fuje 'a tierza flotta d’‘o munno 'e ll'ebbreca.