Teógnis (an griego: Θέογνις, trasl.
Théognis) de Mégara fui un poeta lírico griego de l Seclo BI a.C..
Screbiu durante la chamada crise de la pólis arcaica, marcada pul crecimiento demográfico, por grandes mobimientos migratórios, i pul surgimiento d'homes de grande prestígio político que, cul apoio de l pobo mais pobre, tornában-se xefes de la polis - ls chamados "Tiranos". Grande parte de las eilegies de Teógnis puoden ser caratelizadas cumo poesie social, cun fuortes tones cunserbadores ne l sentido de la crítica de las trasformaçones sociales de sou tiempo.
Teógnis, cumo fuonte documental, para alhá de cunter anformaçones riquíssemas subre las trasformaçones de l seclo VI la. C. an alguas poleis (plural de polis) griegas, ye fuonte fundamental pa l studo de l cunceito arcaico de Hýbris ó "çmedida", ancarado pul outor cumo cumportamiento típico de ls Tiranos, que por sue "çmedida" se tornan mais poderosos que ls outros cidadanos, i assi çtroen la buona orde de la polis. An tiempo: ne l período arcaico, ls "cidadanos" éran solo l'elite de grandes propiatairos de tierras, l que senefica que l regime político puode ser caratelizado cumo "ouligarquia", gobierno de poucos.
This article uses material from the Wikipedia Mirandés article Teógnis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.