Sílex ye ua peinha sedimentar selicatada, feita de quartzo critocristalino, mui dura i cun densidade eilebada.
Apersenta-se normalmente cumpata, de quelor cinzenta, negra i outras. Cun fratura cuncoidal. Aparece na forma de nódulos ó massas an formaçones de giç ó calcário. Puode apersentar ampurezas bárias cumo barros, carbonato, silte, pirita i matéria ourgánica.
Puode tener ourige ourgánica, fazendo parte de l grupo de l acaustobiólitos (peinhas de ourige biológica nó cumbustibles, formada de carapaças siliciosas de ourganismos marinos) ó einorgánica ó inda tener ourige an fenómenos de sustituiçon.
Fui mui outelizada pul home neolítico para fazer armas (por eisemplo an puntas de setas) i ferramientas de corte, debido a la sue grande dureza i als sou corte, debido a las arestas afiadas que son porduzidas. Fui tamien mui ousada para se porduziren chiçpas an armas de fuogo antigas (pederneiras). Ye inda outelizada na custruçon, subretodo na Anglaterra.
This article uses material from the Wikipedia Mirandés article Sílex, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.