Finnian de Clonard fui un de ls purmeiros monges eirlandeses, fundador i purmeiro abade de la Abadie de Clonard, possiblemente bispo de la mesma diocese, i mestre de ls duoze Apóstelos de la Eirlanda.
Al lado de Santo Anda de Aran, ye cunsidrado un de ls pais de l monasticismo de l Eirlanda.
Finnian naciu nua família nobre de Leinster, sendo batizado por Santo Abon de Magheranoidhe i zde cedo puosto sob la tutoria de San Fortchern, bispo de Trin, que l'anstruiu até ls trinta anhos d'eidade, quando l moço asceta rumou pa la Ouropa cuntinental i anton Gales, adonde fui anstruído por San Dabi de Gales an Llancarfan. Passado este longo período de daprendizado, retornou pa la Irlanda, pregando an Wexford, Wicklow i Kildare, adonde tubo cuntato cun Santa Brígida, antes de finalmente se stablecer an Clonard.
Ampeçou an Clonard ua bida ascética i solitária, até qu'an 520 fondou ouficialmente sue abadie i scuola, atraindo miles de çcípulos de todas las classes i procedéncias, sendo reconhecido por sue rigideç i sous dones pedagógicos. Educou ne l monasticismo i ambiou anquanto missionairos a tierras çtantes dibersos de sous alunos, dentre ls quales ls chamados duoze Apóstelos de la Eirlanda. Faleciu probabelmente an 12 de dezembre de 563, pula peste, i sues relíquias fúrun preserbadas an sue própia abadie, até séren çtruídas ne l seclo IX.
Finnian de Clonard ye cunsidrado santo tanto pula Eigreija Católica quanto pula Eigreija Ourtodoxa, sendo comemorado ne l die 12 de dezembre. Puls fruitos de sous ansinos, ye alcunhado "Mestre de ls Santos de la Eirlanda de Sou Tiempo". Tamien ye chamado an sou oufício litúrgico de "Vispo i Cunfessor", mas la maiorie de las fuontes l lista cumo mero abade i presbítero.
This article uses material from the Wikipedia Mirandés article Finnian de Clonard, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.