Arquitetura de dados ye la strutura de ls cumponentes de dados dua organizaçon - cunsidrados sob defrentes nibles de abstraçon, sues anter-relaçones, bien cumo ls percípios, diretrizes, normas i padrones que regen sou porjeto i eiboluçon al longo de l tiempo.
Ambolbe, antoce, l porcesso de gerenciamiento de ls atibos anformacionales i l porjeto de dados ousado para defenir ua detreminada situaçon fetura, ancluindo l susequente planeijamiento necessairo para alcançar tal stado. Ye cunsidrada un de ls domínios que custituen ls pedamiegos de la Arquitetura Ampresarial. Nun sentido restrito, puode seneficar tamien l cunjunto de las defeniçones de struturas de dados, relacionamientos i regras cumportamentales aplicadas a ua particular soluçon de TI.
L'arquitetura de dados çcribe la strutura de dados outelizada por ua ourganizaçon i/ó sous aplicatibos i cuntempla çcriçones de dados - tanto armazenados quanto an mobimiento, çcriçones de meios d'armazenamiento, grupos de dados, itenes de dados i modelos de dados de soluçones de TI.
Eissencial a la cuncepçon de la situaçon fetura, la Arquitetura de Dados çcribe cumo ls dados son processados, armazenados i outelizados nun detreminado sistema (sentido amplo). Eilha fornece ls critérios pa las ouparaçones de processamiento de dados, possibelitando que séian porjetados i tamien cuntrolados ls fluxos de dados ne l sistema.
L Arquiteto de Dados ye respunsable por defenir la situaçon fetura, pul alinhamiento durante l zambolbimiento i pul acumpanhamiento para garantir que melhories séian feitas siempre d'acuordo culas specificaçones arquitetónicas ouriginales. El se acupa de trabalhar ls dados cumo un recurso stratégico de l'ourganizaçon, repersentando-los andependientemente de ls porcessos de las defrentes ounidades que ls outelizan, respeitando las múltiplas bisones deribadas de l mesmo dado, permitindo sou cumpartilhamiento, cunsidrando las caratelísticas de ls nibles d'anformaçon necessairos: ouperacional – tático – stratégico i çponibelizando estruturas de dados de forma ourganizada; propiciando cun esso la custruçon de la base para sistemas d'anformaçon flexibles i antegrados.
Durante la defeniçon de l stado de çtino, la Arquitetura de Dados decumpone un assunto d'anformaçon até l sou nible atómico para, an seguida, trilhar l camino amberso i cumpor l cuntesto zeiado. Ls Arquitetos de Dados eisecutan essa tarefa, outelizando trés porcessos tradecionales de Arquitetura: Cunceitual, Lógico i Físico.
Abordaige de l Framework Zachman pa la Arquitetura de Dados:
Camada | Bison | Dados (l qué) | Antressado |
1 | Scopo/Cuntesto | Lista de cousas amportantes pa l negócio (árias temáticas) | Planeijador |
2 | Modelo de Negócios / Cunceitual | Modelo semántico ó Cunceitual / .ptdan .com/i005fe12.htn Enterprise Data Model | Propiatário |
3 | Modelo de Sistema / Lógico | Modelo de dados lógico | Porjetista |
4 | Modelo Tecnológico / Físico | Modelo de dados físico | Custrutor |
5 | Cunfiguraçon de Cumponentes | Defeniçones de dados | Amplementador |
6 | Corporaçon Funcional | Dados | Trabalhador |
Neste segundo - i mais amplo - sentido, la Arquitetura de Dados anclui ua análeze cumpleta de ls relacionamientos antre las funçones dua ourganizaçon, tecnologies çponibles i tipos de dados.
La Arquitetura de Dados debe ser defenida na fase de planeijamiento de l porjeto dua nuoba soluçon de TI qu'ambolba persisténcia. Ls percipales tipos i fuontes de dados necessairos para apoiar ua ourganizaçon dében ser eidantificados de modo cumpleto, cunsistente i cumprensible. L requesito percipal nesta fase ye la defeniçon de todas las antidades de dados relebantes i nun la specificaçon d'itenes tecnológicos ó d'hardware. Ua antidade de dados ye qualquiera cousa rial ó abstrata subre la qual ua ourganizaçon ó andibíduo zeia armazenar dados.
Bison d'alto nible que dá suporte al atendimiento de las necidades de l negócio dua ourganizaçon, direcionando las decisones subre las soluçones de tecnologie. Essa perspetiba çtaca ls eilemientos ambolbidos nas relaçones negociales i nun negociales de l'ourganizaçon (antidades corporatibas), cuntemplando-los an modelos andependientes de qualquiera lemitaçon tecnológica i que buscan alinhar l suporte de TI a a misson ampresarial stablecida.
Ua arquitetura lógica de dados çcribe cun percison las propiadades i ls relacionamientos de cada ua de las antidades de dados ambolbidas nun domínio ourganizacional ó porblema de negócio a ser resolbido cun apoio de TI, cumpondo un zeinho detalhado a partir de l qual líderes de porjeto i zambolbedores puodan trabalhar cun relatiba andependéncia.
Normalizaçon de las struturas de dados i deribaçon de relacionamientos de cardinalidade múltipla an antidades associatibas son práticas inerentes a essa abordaige, para alhá de l streito alinhamiento a un modelo corporatibo prebiamente cuncebido i d'algua preocupaçon cun padrones d'amplementaçon de l'arquitetura de banco de dados.
Arquitetura física de dados dun sistema d'anformaçon ye parte dun Praino de Tecnologie. Cumo l própio nome andica, l praino tecnológico stá focado an eilemientos reales i tangibles la séren outelizados na amplementaçon de l'arquitetura de dados de l porjeto. Arquitetura Física de Dados angloba "arquitetura de banco de dados", que ben a ser un squema de la tecnologie de banco de dados outelizado para biabelizar la rializaçon dun porjeto d'arquitetura de dados.
Antoce, la sue cuncepçon stá ligada a la necidade de suportar l'amplementaçon dun modelo que bisa al atendimiento de las necidades dun negócio i que direciona las decisones subre las soluçones de tecnologie la séren adotadas.
Hai ciertos eilemientos que dében ser defenidos cumo partes de l squema d'arquitetura de dados zenhado nua ourganizaçon. Por eisemplo, la strutura admenistratiba que será criada para gerir ls recursos de dados debe ser çcrita. Para alhá desso, las metodologies que seran ampregadas para armazenar ls dados percisan ser defenidas. Hai inda la necidade de se gerar ua çcriçon de la tecnologie de banco de dados a ser outelizada, assi cumo ua çcriçon de ls porcessos qu'eiran manipular ls dados.
Tamien ye amportante defenir un porjeto de gobernança de dados, que serbirá para garantir l'alinhamiento de todos ls porjetos de dados a las diretrizes i padrones eileitos na ourganizaçon. Causo cuntrairo, las ouparaçones quemuns de dados corren l risco de séren amplementadas de dibersas formas, tornando-se defíceles de cumprender i de cuntrolar l fluxo de dados drento de tales sistemas. Este tipo de fragmentaçon ye altamente andeseijable debido al sou potencial maior custo i por gerar dados çcrepantes. Tales deficuldades puoden aparecer an ampresas que spurmentan un crecimiento mui rápido, assi cumo an ourganizaçones qu'apersentan grande dibersidade de negócios (perdutos i serbícios).
Faç-se necessairo l stablecimiento de padrones capazes d'homogeneizar l seneficado de palabras, spressones i simblos outelizados an to l ciclo de porduçon de las soluçones de TI. L'antroduçon dun bocabulairo cuntrolado (ó glossairo) puode cuntribuir decesibamente para menimizar las barreiras d'antendimiento, proporcionando un meio eficiente i cunfiable pa l cumpartilhamiento de ls dados.
Quando eisecutada apropiadamente, la fase arquitetura de dados de l planeijamiento de sistema d'anformaçon anduç l'ourganizaçon a specificar i delinear tanto fluxos d'anformaçon anternos quanto sternos. Estes son padrones para cuja cunceituaçon l'ourganizaçon puode nun tener ambestido tiempo prebiamente. Ye antoce possible, nesta fase, eidantificar amportantes lacunas d'anformaçon, dibergéncias antre departamientos i antre ls sistemas ourganizacionales que puoden nun tener quedado eibidentes antes de l'análeze de l'arquitetura de dados.
Bárias restriçones i anfluéncias puoden tener eifeito subre un porjeto d'arquitetura de dados: requesitos ourganizacionales, direcionadores tecnológicos, fatores eiquenómicos, políticas de negócios i necidades de processamiento de dados.
This article uses material from the Wikipedia Mirandés article Arquitetura de dados, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.