ဒပ်ပၠန်ဂတးဍုင်မန်
ဒပ်ပၠန်ဂတးဍုင်မန် (ယၟုတြေံ ဒပ်စဵုဒၞာဍုင်မန် - သ္ကုတ်သၠုင်ကျာ (အၚ်္ဂလိက်: Mon State Revolutionary Force – MSRF (Mon State Defense Force - South)) (ဗၟာ: မွန်ပြည်တော်လှန်ရေးတပ်) ဂှ် က္တဵုဒှ်ကၠုင် ကြဴနူ ဒပ်ပၞာန်ထိင်အဝဵုဍုင်ဗၟာ ပ္ဍဲဖေဖဝ်ဝါရဳ ၁၊ ၂၀၂၁ တုဲ မစဒက်ပ္တန်လဝ် ပ္ဍဲဖေဖဝ်ဝါရဳ ၂၇၊ ၂၀၂၁ ရ။ ဆဂး စိုပ် ဂိတုသေပ်တေမ်ဗါ ၁၆၊ ၂၀၂၁ ဂှ် ဂွံလလောင်တြး ပရူမဒက်လဝ်ဒပ် နကဵုလိက်လလောင်တြး ဘာသာမန်ကီု သီုကဵု ဘာသာဗၟာရ။ ဟိုတ်နူအကာဲအရာတုဲ ဒပ်စဵုဒၞာဍုင်မန်ဂှ် ပါ်လဝ် သ္ကုတ်သၟဝ်ကျာ ကဵု သၠုင်ကျာ။ စတမ်နူ ဇာန္နဝါရဳ ၃၁၊ ၂၀၂၃ တုဲ ယၟုတြေံ ဒပ်စဵုဒၞာဍုင်မန် - သ္ကုတ်သၠုင်ကျာဂှ် သၠာဲထောအ်ယၟု ဒပ်ပၠန်ဂတးဍုင်မန်။
| ဒပ်ပၠန်ဂတးဍုင်မန် | |
|---|---|
| သီုမကော်စ | မွန်ပြည်တော်လှန်ရေးတပ် |
| က္ဍိုပ်သကိုပ် မဒက်ပတန် | နာဲနဂါး |
| လဒက်ပတန် | ၂၇ ဖေဖဝ်ဝါရဳ ၂၀၂၁ |
| စၟတ်တ္ၚဲ မချဳဓရာင် | ၂၇ ဖေဖဝ်ဝါရဳ ၂၀၂၁ – လၟုဟ် |
| ရးနိဂီု | တွဵုရးဍုင်မန် (ရးနိဂီုဗၟာ) |
| မဒုင်သစ္စာ |  National Unity Government of Myanmar |
| လညာတ်ဝါဒ | ဝါဒဖေက်ဒရေဝ် |
| Part of | ဌာနဝန်ဇမၞော် ပရေင်ဂီုကၠီု အလဵုအသဳညဳသၟဟ်ကောန်ဂကူ |
| ဗတိုက် ကု |
|
ဝင်
ဒပ်ပၞာန် ထ္ၜးဟိုတ် ကုအလဵုအသဳအေန်အေဝ်ဒဳ မလီုမာဲ ပ္ဍဲသဘင်မာဲ ၂၀၂၀ ဂှ်တုဲ ပ္ဍဲတ္ၚဲမပံက်စၠတ်ထဝ်တၟိ ဖေဖဝ်ဝါရဳ ၁၊ ၂၀၂၁ ဂှ် ဒပ်ပၞာန်ထိင်ကၠေအ်အဝဵုဍုင်ရ။ ဟိုတ်နူဂှ်တုဲ ထၜးဆန္ဒ က္တဵုဒှ်ကၠုင် ဗွဲမဇၞော်ကဵုဒြဟတ်ရ။ သၟတ်မန် လတူဍုင်လ္ဂုင်တအ်လေဝ် ပံင်ကောံတုဲ ဒက်ပ္တန်လဝ် ဂကောံသၟတ်မန် မဒစဵုဒစးတၠအဝဵု (အာဏာရှင်ကိုတော်လှန်သောမွန်လူငယ်များအင်အားစု (MAD)ရ။ နကဵု ဂကောံဂှ် ပံင်ကောံ ကုကမ္မတဳကောန်ဂကူဂမၠိုင် မထ္ၜးဆန္ဒနာနာ (လူမျိုးပေါင်းစုံ အထွေထွေ သပိတ်ကော်မတီ - GSCN တုဲ ထ္ၜးကၠုင် ဆန္ဒ လတူဍုင်လ္ဂုင်ရ။ နကဵု ဂကောံသၟတ်မန် မဒစဵုဒစးတၠအဝဵု ကဵု ကမ္မတဳကောန်ဂကူဂမၠိုင် မထ္ၜးဆန္ဒနာနာ ပံင်တောဲတုဲ ကၠောန်ဗဒှ် တ္ၚဲဂကူမန်။ ပ္ဍဲအခိင်မကၠောန် တ္ၚဲဂကူမန်ဂှ်ရ ပၞာန်စလၞိန်ဗပိန် ညးမထ္ၜးဆန္ဒတအ်တုဲ ဂကောံသၟတ်ဂှ် စပြံင်လှာဲကၠုင် ဂၠံင်တရဴလွပ်လွဟ်ရ။ ဖေဖဝ်ဝါရဳ ၂၇၊ ၂၀၂၁ ဂှ် စဒက်ပ္တန်ကၠုင် ဒပ်ပၞာန်ရ။ သွက်ဂွံဒက်ဒပ်ဂှ် ဒးကေတ်ကၠုင် အခိင်နာနာ မပ္တံကဵု ဗတောန်ကွတ်ပၞာန်၊ ပကောံကပေါတ်ပၞာန်တအ် ဒှ်တမ်ရ။
စိုပ် ဂိတုသေပ်တေမ်ဗါ ၁၆၊ ၂၀၂၁ ဂှ် လလောင်တြး ဒဒှ်ရ ဒက်ပ္တန်လဝ် ဒပ်ဝွံတုဲတုဲရ။ အတိုင် မဗၟံက်ထ္ၜးလဝ် ပ္ဍဲလိက်လလောင်တြး ပ္ဍဲစၟတ်တ္ၚဲ ၄ ဖေဖဝ်ဝါရဳ ၂၀၂၃ ဂှ်မ္ဂး "တ္ၚဲဏအ် အကာဲအရာ ပရေင်ဍုင်ကွာန် ကေုာံ အကာဲအရာနာနာသာ် မက္တဵုဒှ်ဒၟံင်တုဲ သွက်သ္ဂောအ် ဗ္တိုက်သရိုဟ်ကၠေအ် ကံင်သဳပၞာန် ဗဝဲမစိုပ်တရဴမာန်ကီု၊ သွက်သ္ဂောအ် ပံင်တောဲ ကဵုဒပ်ရပ်လွဟ် အပ္ဍဲဍုင်မန် မလုပ်ဒၟံင် ပေါဲဗ္တိုက် ကဵုကံင်သဳပၞာန်ဂမၠိုင်ကီု၊ ဇြဟတ်ပရေင်ဍုင်ကွာန်နာနာ နတဲစှ်ေစှ်ေမာန် ရန်တၟအ်တုဲ ဒုင်သဇိုင် ကဵု တင်သ္ဂုတ်သွာတ် ကောံဓရီု ကမ္မတဳက္ဍိုက်ပ် ဒပ်စဵုဒၞာဍုင်မန် - သ္ကုတ်သၠုင်ကျာ ပ္ဍဲစၟတ်တ္ၚဲ ၂၀၂၃၊ ဂိတုဇာန္နာဝါရဳ ၃၁ တုဲ နကဵုယၟု "ဒပ်စဵုဒၞာဍုင်မန် - သ္ကုတ်သၠုင်ကျာဂှ် ပြံင်လှာဲ သုင်စောဲအာယၟု "ဒပ်ပၠန်ဂတးဍုင်မန် (Mon State Revolutionary Force – MSRF) ဝွံရ။" ပ္ဍဲဇာန္နာဝါရဳ ၃၁၊ ၂၀၂၃ နကဵု ဒပ်စဵုဒၞာဍုင်မန် ကောံဓရီုတုဲ က္လေင်ဒက်ပ္တန် ဂကောံက္ဍိုက်က္ဍိုပ်တၟိ နကဵု ညးမကဵုကသပ် (၃)တၠ၊ ဂကောံကမ္မတဳ ၉ တၠ၊ ဥက္ကဋ္ဌ နာဲဒံက်တာသဳရိမန်ဆာန်၊ ဒု-ဥက္ကဋ္ဌ နာဲနမောတဿ၊ ညးအုပ်ကာ နာဲလျးမန်ဌေ၊ ဖက်ဆော ညးအုပ်ကာ နာဲကိုဝ်သူ။ ပ္ဍဲကောံဓရီုဂှ် တုပ်စိုတ်ရေင်သကအ် ဒဒှ်ရ ပါ်ထောအ် ဒပ်ရေင်သကအ် ဒှ်မာန်ရ။
ဂိတုဖေဖဝ်ဝါရဳ ၁၂၊ ၂၀၂၃ ဂှ် နကဵု အလဵုအသဳအေန်ယူဂျဳ ကဵုဘာပၞာန်တၟေင် ပ္ဍဲတိဍာ် ဗော်ကေအေန်ယူ ဒပ်မဟာ ၆ ဂှ် နူကဵု ကောန်ဒပ်ဏအ် ဂွံအာတိုန်လဝ် (၅) တၠကီုရ။
နကဵု ဒပ်ဝွံ စတမ်နူ ဂိတုမာတ် ၁၆၊ ၂၀၂၃ ဂှ်တုဲ ပ္တိတ်လိက် ဒဒှ်ရ ပံင်တောဲ ကု ဒပ်ကျာရေဝ် (Ye Air Force (Stealth Fighter)၊ ဒပ်ဒမၠုရာမည (Ramonya Guerrilla Force) တုဲ သွက်ဂွံလုပ်အာ ပေါဲဗတိုက် ကုအလဵုအသဳပၞာန်ဗၟာရ။
နိဿဲ
This article uses material from the Wikipedia မန် article ဒပ်ပၠန်ဂတးဍုင်မန်, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ပရောပရာတၚ်လညာတ်တၞဟ်ယဝ်ရဟွံမွဲတှ်ေပ္ဍဲ CC BY-SA 4.0 မဒုၚ်ကေတ်မာန်ရ။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မန် (DUHOCTRUNGQUOC.VN) is an independent company and has no affiliation with Wiki Foundation.