ဂလာန်ဗ္ကန်ကောန်ဂကူမန်

ယွံကလောမန်၊ ဆီနန်စိုတ်နာဲ။ မာံတောအ်ဗ္ကန်လဝ်၊ဒဵုကဝ်တူပြာဲ။ သမ္တီလ္ပဝိုတ်၊ ပၠောပ်စိုတ်ညိနာဲ။ဗၟာအံၚ်ဇေယျ၊ယက္ခမတ်ဍာဲ။ ယုတ်လ္တူယုတ်၊ ညံၚ်ဘုတ်သရာဲ။ လကိုဟ်ကုမ္ဘဏ်၊ ကၠဗြန်တာဲဗြာဲ။ ညာတ်မန်ဗက်ၚိတ်၊ဗက်ကိတ်ဗက်သ္ၚာဲ။အံၚ်ဇေယျပၠန်၊ဓဇန်လောန်ကာဲ။စံၚ်ဂစိုတ်မန်၊ပိုၚ်နန်လက်ယာဲ။ ဠက်ကိုဋ်သၚ်ဃဲ၊ ပ္ဍဲစာတ်ဂဵုဍာဲ။ ဂစိုတ်လဝ်မန်၊ဂၞန်ပဂၠာဲ။ ဍေံဓဇန်လောန်၊ ကောန်ဍုၚ်ဗြဴကၟာဲ။ ဍုၚ်ဗဂေါလီု၊ဗီုကဝ်တူလာဲ။ သမ္တီညိနာဲ၊ ဂၠာဲရံၚ်ပ္ဍဲဝၚ်။ အံၚ်ဇေယျကွေံ၊ တုပ်ချေံဂွံဒြံၚ်။ မေတ္တာလေဝ်ကှ်၊ဓဝ်စှ်ဟွံမံၚ်။ ဒှ်သၟိၚ်အယုတ်၊ ကုတ်ပန်ဒၚ်ဒၚ်။ဗက်ဂေတ်ပၠဒပ်၊ရပ်လွဟ်မၞုဟ်ဇြၚ်။ပန်ဗာ်ထပက်၊ ကမၠက်မန်ဒဳနၚ်။ပၠောပ်စာတ်စံၚ်ဗဵု၊ ပၟတ်ဂဵုဍာဲဂြၚ်။သီုၜုၚ်သီုတက်၊ ထ္ပက်ကဵုမၞုဟ်ဇြၚ်။ခမဳခရှ်၊ ဆီဒှ်ဍာ်ဝၚ်။ဟဳဟဳဇွောဝ်ဇွောဝ်၊ညံၚ်ဇၟောဝ်ဍာ်ဂၚ်။ၜိၚ်ဆီဍာ်ဝၚ်၊ ဂဂႅါဆီမန်။ ယွံကလောတအ်၊ ဒွံဘဲကြန်ညန်။ဂၠိုၚ်ကဵုပရိုက်၊ ဒဒိုက်ပိုယ်မန်။ဗၟာအံၚ်ဇေယျ၊ တၠတိပိုၚ်နန်။နူဍုၚ်ဗြဴကၟာဲ၊ ဂၠာဲသၞကဵုမန်။ စိုပ်ဗဂေါကၠာ၊ ဟံသာလ္ၚုလ္ၚန်။ပျဲပျာံဍဵုဍိုက်၊ဗတိုက်ဍုၚ်မန်။ဇၞးတုဲအီဂြိုၚ်၊ပိုၚ်တိပိုၚ်နန်။ဗၟာမၞိဟ်အယုတ်၊ကုတ်ဗာ်လဝ်မန်။ ရိုဟ်ဒးညိဟာ၊သၚ်္ချာဂၞန်။ ဂစိုတ်လဝ်မန်၊ကြပ်ညန်သၚ်ဃဲ။ ဂကူမန်ကွေံ၊ ဍေံၜုၚ်ဍေံပျဲ။ ကောန်တှ်ကောန်ၚာ်၊ ဗာ်ထ္ပက်ဖဲဖဲ။ဗြဴမန်သန္ဓိ၊ မိတၠအဝဲ။ဂဝ်ဂၞဴဂွံပြဵု၊ ကဵုစိၚ်လိုန်သ္ကဲ။စိၚ်လိုန်ဂစိုတ်၊ ချိုတ်မတ်လၜဲ။ပြံၚ်ဘဝဟေၚ်၊ ဟွံသေၚ်ဂုဏ်ယဲ။ ဗၟာအံၚ်ဇေယျ၊ ညးတၠကွတ်တဲ။ပိုၚ်ဍုၚ်ဟံသာ၊မေတ္တာလေဝ်ဟဲ။ဂစိုတ်လဝ်မန်၊ ဂၞန်အသၚ်ဃဲ၊သိုၚ်စာတ်ဇၞော်ဒ္စိတ်၊တိတ်ရိုဟ်သကဲ။ စံၚ်ဂစိုတ်သွံ၊ လရိုအ်ကအ်လှဲ။ရမ္သာၚ်ဟောကၠံၚ်၊ညံၚ်ဂဂဵုဗြဲ။ဖေက်ဂၟံက်လောန်တဲ၊ဘဲဗၟာအယုတ်။ ယွံဂကူမန်၊နန်ထဝ်လဟုတ်။ဗၟာယုတ်စံၚ်ပၠေၚ်၊လေၚ်ဘာလေၚ်ဘုတ်။ လေၚ်သ္ၚိလေၚ်ဌာန်၊ လေၚ်ကွာန်ညးခုတ်။လေၚ်သၟိၚ်ဍုၚ်မန်၊ ဂကူမန်သ္ကုတ်။ရပ်ဇြပ်ရတ်သၞာ်၊ ဗာ်ဗာ်ကုတ်ကုတ်။ ပန်ပန်စံၚ်စံၚ်၊ ယက်ညံၚ်ထအုတ်။ဗၟာအံၚ်ဇေယျ၊

သ္ပသၟိၚ်အယုတ်။ သမ္တီညိနာဲ၊ ဗၠာဲဗၠာဲဝုတ်ဝုတ်။မန်ပိုယ်ခေတ်လၟုဟ်၊ မ္ၚုဟ်စိုတ်ကြံၚ်ဂြုတ်။ချပ်ညိရိုဟ်ဝါ၊ ဗော်ဗၟာအယုတ်။ဒးကလေၚ်တဲ၊ကဵုဘဲလ္ပဆုတ်။ဒးပန်ဗာ်ကုတ်၊ ချိုတ်ထုတ်ဖေက်ဟာ။ ။

အ္စာကၞေဟ် မာံတောအ်