ဓရေဲ
ဓရေဲ (Baccaurea ramiflora,the Burmese grape,) ဂှ် ဒှ်တၞံမဇၞော်လဇုဲ သၚေက်လၟိုန် မလုပ်လၟိဟ် ဂကောံတၞောဝ် ဂကူ (Phyllanthaceae) သၠုင် စဵုကဵု ၂၅ မဳတာနွံကဵု ကၞာင်သဓီု၊ သၞောက်ကြဳရ။ တၞံဏအ်ဂှ် ဂွံဆဵုကေတ် အလုံတိုက်အာရှ ဗွဲမဂၠိုင် တဵုလွဳဒၟံင် ပ္ဍဲဍုင်မန်ဗၟာ၊ ကမ္ဘောဒဳယယာ၊ လဴ၊ ဝဳယေတ်နာမ်၊ အိန္ဒိယ၊ ဗင်္ဂလာဒေသ် ကေုာံ မလေရှာရ။ တၞံဓရေဲဂှ် ဒှ်တၞံမသၚေက်လၟိုန် မတိုန်ဒၟံင် ပ္ဍဲကဵုဂြိုပ် ဂကူတိနာနာသာ်ရ။ ၜိုတ်ဂိတုမာဃ် ဖဝ်ရဂိုန်မ္ဂး ပ္တိတ်ကဴတုဲ ၜိုတ်ဂိတု စဲ ပသာ်မ္ဂး သတ်ဍုဟ်ရ။ သတ်ဍေဟ်ဂှ် ၜဟ်စ နဒဒှ် သတ်ဆု၊ မနွံကဵု ဓရေဲ တောဲဇုက် (ဂစိုက်) ဂှ်ရ နကဵု ဗီုမန် ညးကော်စ ဓရေဲရ။ သတ်ဓရေဲဂှ် ပ္ဍဲဂဥုဲလေဝ် စကာဒၟံင် သွက်ဂွံ လွဳယဲစၞာံကီုရ။ သကောဝ် (ခၞောက်)၊ ရိုဟ် ကေုာံ ဆုဍေဟ်ဂှ် ညးကေတ်တုဲ ကၠောန်ဂဥုဲ နွံကီုရ။
| ဓရေဲ | |
|---|---|
 | |
| Baccaurea ramiflora | |
| မပါ်ဂကူ အတိုင်နဲသိပ္ပံ | |
| လောက: | Plantae |
| လပါ်ဂကူ: | Tracheophytes |
| ဂကောံဂကူ: | Angiosperms |
| Subclass: | Eudicots |
| လၟေင်ဂကူ: | Malpighiales |
| ဇာတ်ဂကူ: | Phyllanthaceae |
| လစှ်ေဇာတ်ဂကူ: | Malvoideae |
| ဗဳဇဂကူ: | Baccaurea |
| လစှ်ေဂကူ: | ramiflora Lour., 1790 |
သတ်ဓရေဲဂှ် နွံကဵုဗီုပြင် ခ္ဍမ်ခ္ဍမ် ကာလကြံင် ဒှ်အာသာ်သၚေက်တုဲ ကာလဍုဟ် ဒှ်အသာ်ဍာ်မိတ် ဇမၞော်ဍေဟ် နွံအကြာ ၂.၅-၃.၅ ဇြေန်ဒဳမဳတာ ဗွဲလၞင်၊ ခၞောက်လပ္ါ်ပ္ဍဲဂှ် ဒှ်ဒၟံင် အသာ်ဗကေတ်ၜတ်တ်တုဲ ဖျုန်ဍေဟ် အပ္ဍဲဂှ် နွံစ ပိနှဳဂှ် စရ။ ဇၟာပ်ပ်နှဳဂှ် နွံကဵု မ မွဲမွဲမအိုတ်ရ။ သတ်ဓရေဲဂကူလ္ၚဵုဂှ် သတ်ဍေဟ် နွံရှ်ဍာတ်ဖျးတုဲ ဂကူလ္ၚဵုဂှ် နွံဆရှ်ဖျးသၟးရ။ ဓရေဲဂှ် တဵု နကဵုမဍေဟ်လေဝ်ဂွံ၊ ဟွံသေင်မ္ဂး တန်ကေတ် ကၞာင်ဍေဟ်တုဲ တဵုလေဝ်ဂွံရ။
သတ်ဍေဟ်ၜိုဟ်တုဲ စွံဂွံ စဵုကဵု ၄-၅ တ္ၚဲ၊ ၜိုဟ် ဟွံသေင်မ္ဂး တုင်ကဵု ၜဵု ကၠောန်ဓရေဲကွုင်တုဲ စုတ်ကဵု စေဟ်မ္ဂး စွံဂွံ တၟာလအ်ကီုရ။
နိဿဲ
This article uses material from the Wikipedia မန် article ဓရေဲ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ပရောပရာတၚ်လညာတ်တၞဟ်ယဝ်ရဟွံမွဲတှ်ေပ္ဍဲ CC BY-SA 4.0 မဒုၚ်ကေတ်မာန်ရ။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မန် (DUHOCTRUNGQUOC.VN) is an independent company and has no affiliation with Wiki Foundation.