ထပိုယ် (အၚ်္ဂလိက်: novice) ဂှ် ဒှ်မအရေဝ် မစကာ သွက်ဂွံကော်စ ကုမၞိဟ် ဟွံသေင်မ္ဂး အရာမခၞံဗဒှ်လဝ်တၟိ ကိုပ်ကၠာ မဟွံပၠုပ်အဝေါင် သွက်ဂွံရပ်စပ်ဏီရ။ ဗွဲတၟေင် ထပိုယ်ဂှ် စကာ ပ္ဍဲကဵု ဂကောံမၞိဟ်ဘာသာ မဒှ်မၞိဟ် ကိုပ်ကၠာ ဟွံဂွံ ပခမဳ မလုပ်အဝေါင် လၟိဟ်သင်ဏီရ။ နကဵု ဂကောံသင် ဗုဒ္ဓဘာသာမ္ဂး စၟတ်သမ္တီလဝ် မၞိဟ်မွဲ ကလိဂွံ အာယုက် ၂၀ သၞာံတုဲဟေင် (သီုကဵုအာယုက်ဂဝ်) ပခမဳဂွံ (ဝါ) ပၠုပ်အဝေါင်သင်ဂွံတုဲ ကုညးသၟတ် သၟဝ်အာယုက် ၂၀ တအ်ဂှ် ဒးမံင် နဒဒှ် ဘဝထပိုယ်ရ။ ကုမၞိဟ်အာယုက်ဇၞော်တအ်လေဝ် ကိုပ်ကၠာ ဟွံဂွံ ပၠုပ်အဝေါင်သင် (ဝါ) ပတိုန်ခမဳဂှ် သ္ဒးပ ထပိုယ်ကၠာရ။ အပိုင်အခြာကာလ သ္ဒးမံင်ဘဝထပိုယ် မူစသၞာံတုဲဟေင် မလုပ်အဝေါင်သင်ဂွံဂှ် ပ္ဍဲဗုဒ္ဓဘာသာ ဟွံပိုင်ခြာလဝ်တုဲ ပထပိုယ်တုဲ မွဲလစုတ်ဂှ် ပတိုန်ခမဳ လွာဲဂှ် နွံကီုရ။ သာ်ဂှ်ဟွံသေင် ကုမၞိဟ် မဟွံရထ မင်မဲသိက္ခာခမဳ၊ ဟွံသေင်မ္ဂး ဟွံမဲပၟိက် ဘဝခမဳ ဆဂး မိက်ဂွံမံင် ပ္ဍဲဗွိုင်သာသနာတုဲ ပဒတဴ နဒဒှ် ထပိုယ်လေဝ် နွံကီုရ။
ပ္ဍဲကဵု ဂကောံသင် ဗုဒ္ဓဘာသာ ဗွဲမဂၠိုင် မၞိဟ်တြုဟ်ကီု သီုကဵု ညးဗြဴ ကိုပ်ကၠာ ဟွံပတိုန်ခမဳဏီဂှ် သ္ဒးပထပိုယ်ကၠာ၊ ပ္ဍဲဘဝထပိုယ်ဂှ် ဒးဒ္ဂေတ်ဗက် ဒ္ဂေတ်ဝတ်ထပိုယ် (ဒ္ဂေတ်ဝတ်သာမဏဳ) မဒှ်ဒ္ဂေတ်လၟေတ် မကြပ်ညောန် ကုဝိနယ်၊ မရန်တၟအ် သွက်ဂွံပကေင်လဝ် ဂွံမံင်ဘဝခမဳလေပ်ရ။ ယၟု ကဆံင်ဒၞာဲဏအ်ဂှ် ဂကူမွဲကုမွဲ ကော်စ ဟွံတုပ်၊ နကဵု ဘာသာမန်ဂှ် ညးကော်စ ထပိုယ်၊ နကဵုဘာသာဗၟာမ္ဂး ကိုရင်၊ နကဵုဘာသာပါဠိမ္ဂး ညးကော်စ "သာမဏေရ" မဂွံအဓိပ္ပါယ် "ခမဳဍောတ်" ဟွံသေင်မ္ဂး "ခမဳသၟတ်" ရ။
ထပိုယ် ပ္ဍဲကဵု သၞောဝ်ဓဝ်ကာတ္တလေတ် ကေုာံ အခိုက်ကာတ္တလေတ်ဂှ် ဒှ်အလံင် ကောန်ဂကောံ ပ္ဍဲကဵု ဂကောံသင်ဘာသာမွဲတၠတုဲ မဒှ်မၞိဟ် မစ မဂစာန်ကၠောန် သွက်ဂွံဒှ် အစာဓရ် ဂကောံသင်၊ ဂကောံကောဒေအ်ဘာသာ သွက်ဂွံဒှ် ခမဳ (ဝါ) လကျာ်ရ။ ကြဴနူ မပဒတဴ ဘဝထပိုယ် မဒှ်ဘဝ မမံင်စုက်လုက် ဗတောန်ဖျေန်တုဲ ထပိုယ်ဂှ် နကဵုအသေအဟာန်ဂှ် ပတိုန်ခပၠုပ် ပ္ဍဲဂကောံသင်ရ။
ထပိုယ်တအ်ဂှ် စဵုကဵု အခိင်ကာလမပိုန်ခြာ ကေုာံ ဟွံအံင် တင်မပိုင်ခြာလဝ်ဏီမ္ဂး ဟွံဂွံဒုင်ကအ်ပါင် ယဵုသစ္စာ ကုကျာ်ဏီရ။ ဟီုမွဲသာ်ပၠန် နူဘဝထပိုယ် ဂွံဒှ် ဘဝလကျာ်/ခမဳဂှ် ဒးတတ်ၜက် ပရေင်စမ်ၜတ်ဂမၠိုင်ရ။ ဗွဲမဂၠိုင် ပ္ဍဲကဵုသၞောဝ် ပိုင်ခြာလဝ် အခိင်ကာလ ဘဝထပိုယ်ဂှ် အောန်အိုတ် ဒးနွံပွိုင် မွဲသၞာံ၊ ဂကောံသင်လ္ၚဵုဂှ်မ္ဂး နွံအခိင်ပွိုင်ၜါသၞာံရ။ သွက်ဂွံဗတောန် ထပိုယ်တအ်ဂှ် ပ္ဍဲဘာလကျာ် နွံကဵု အစာထပိုယ်ရ။
This article uses material from the Wikipedia မန် article ထပိုယ်, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ပရောပရာတၚ်လညာတ်တၞဟ်ယဝ်ရဟွံမွဲတှ်ေပ္ဍဲ CC BY-SA 4.0 မဒုၚ်ကေတ်မာန်ရ။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မန် (DUHOCTRUNGQUOC.VN) is an independent company and has no affiliation with Wiki Foundation.