ခရိုင်ရေဝ်
ခရိုင်ရေဝ် (အၚ်္ဂလိက်: Ye District) ဂှ် ဒှ်ခရိုင်မနွံကဵု ရုင်သၟိင်ခရိုင်တုဲ နွံပ္ဍဲ တွဵုရးဍုင်မန် မဒက်ပ္တန်လဝ် နကဵု ပွိုင်ဍုင်ရေဝ်၊ ဍုင်ရေဝ်၊ ဍုင်လၟိုင်၊ ဍုင်ခေါဇာ။
| ခရိုင်ရေဝ် | |
|---|---|
| ခရိုင်မနွံပ္ဍဲ တွဵုရးဍုင်မန် | |
 ဒၞာဲမနွံ အပ္ဍဲတွဵုရးဍုင်မန် (သ္ၚေက်) | |
| ဒတန်: 15°46′N 97°51′E / 15.767°N 97.850°E 97°51′E / 15.767°N 97.850°E | |
| ရးနိဂီု |  Burma |
| တွဵုရး | တွဵုရးဍုင်မန် |
| လၟိဟ် ပွိုင်ဍုင် | ၁ |
| ဍုင်ဇၞော် | ရေဝ် |
| ဒၞာဲအပိုင်အခြာ အခိင် | UTC+6:30 (မြန်မာစံတော်ချိန်) |
ဍုင်မပါလုပ်ဂမၠိုင်
ခရိုင်ရေဝ်ဂှ် ဒက်ပ္တန်လဝ် နကဵုပွိုင် ကေုာံ ဍုင် အတိုင်သၟဝ်ဝွံရ။
- ပွိုင်ဍုင်ရေဝ်
- ဍုင်ရေဝ်
- ဍုင်လၟိုင်
- ဍုင်ခေါဇာ
ဝင်
သၞာံ ၂၀၂၂ ဂိတုဨပြဳ ၃၀ ဂှ် အလုံမွဲဍုင် ဂလိုင်ပတိုန် ခရိုင်တၟိတုဲ ပွိုင်ဍုင်ရေဝ် အခိင်ကိုပ်ကၠာတေအ် မနွံ ပ္ဍဲခရိုင်မတ်မလီုဂှ် ပါ်ပ္တိတ်တုဲ ဒက်ပ္တန်လဝ် ခရိုင်ရေဝ်ရ။ သွက်ဂွံ ပါလုပ် ပ္ဍဲကဵု ဂကောံစၟိန်ပြမာန်ခရိုင်ရေဝ် (ခရိုင်စီမံအုပ်ချုပ်ရေးအဖွဲ့) ဂှ် ကော်ဘိက် ဗော်ညဳသၟဟ်ဂကူမန် ကီုလေဝ် နကဵု ဗော်ညဳသၟဟ်ဂကူမန်ဂှ် ဟိုတ်နူဂၠာဲမၞိဟ်စၞးဟွံဂွံတုဲ ဟွံဂွံပါလုပ် ပ္ဍဲကဵု ကံင်ဇြဳစၟိန်ပြမာန်ခရိုင်ရေဝ်ရ။
ဂိတုဂျူလာင် ၁၊ ၂၀၂၂ ဂှ် စပံက် ရုင်ဌာနက္ဍိုက်က္ဍိုပ်ပရေင်အုပ်ဓုပ်နာနာခရိုင် (ခရိုင်အထွေထွေအုပ်ချုပ်ရေးဦးစီးဌာနရုံး) တုဲ ပ္ဍဲဂိတုသေတ်တေမ်ဗါ ၂၊ ၂၀၂၂ အခိင်ဂယး ၉ နာဍဳဂှ် ကၠောန်သဘင်ပံက် ရုင်သၞောဝ်ဓဝ်ခရိုင်ရေဝ် မပံက်လဝ် ပ္ဍဲကဵုအရာပ် (ရန်ကြီးအောင်) အကြာဂၠံင်ဗိုလ်ဂျုပ် ကဵု ဂၠံင်ကြုင်ဖက် (ကျုံးဘက်လမ်း)ဂှ်ရ။ ပ္ဍဲကဵု သဘင်ဂှ် ဥက္ကဋ္ဌ ဂကောံစၟိန်ပြမာန်ခရေဝ်ရေဝ် ဦးစန်းမင်း၊ ညးတာလျိုင်သၞောဝ်ဓဝ်ခရိုင် ဦးအေးမင်း ကဵု နာဲဗစာဇၞော် ခရိုင် ဦးဇော်ဇော်သန်း တအ် ခေပ်ဇုက်ဗၠဲတုဲ ပံက်ရုင်သၞောဝ်ဓဝ်ခရိုင်ဂှ်ရ။
ပ္ဍဲဂိတုသေတ်တေမ်ဗါ ၉၊ ၂၀၂၂ အခိင်လဒေါဝ်တ္ၚဲ ၁၁ နာဍဳ ကဵု ၄၅ မိနေတ် ဂှ် ဂကောံဒပ်ဒစဵုဒၞာညးဍုင်ကွာန် ယေဗလူ လုပ်ပန် ရုင်သၞောဝ်ဓဝ် ခရိုင်ရေဝ် မနွံဒၟံင် ပ္ဍဲလဒေါဝ်ဍုင်ရေဝ် အရာပ်အံင်သုခ (၂)။ ဂကောံယေဗလူတအ် ဍိုက်ကၠုင် နကဵုကွဳစက် လုပ်စိုပ် ဗဒါဲရုင် ၜိုတ် ၆၀ ဂေက်ဂှ် ပန်ပၠုပ် M.40 ပန်တဲ၊ တုဲပၠန် ပန်ပၠုပ် နကဵုလွဟ်ဍောတ်ဍောတ် ၜိုတ် ၃၀ တဲတုဲ ဒဳတိတ်အာရ။ မၞိဟ်မဒးဝပ် မၞိဟ်မချိုတ် ဟိုတ်နူဏအ် ဟၟဲရ။
နိဿဲ
This article uses material from the Wikipedia မန် article ခရိုင်ရေဝ်, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ပရောပရာတၚ်လညာတ်တၞဟ်ယဝ်ရဟွံမွဲတှ်ေပ္ဍဲ CC BY-SA 4.0 မဒုၚ်ကေတ်မာန်ရ။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မန် (DUHOCTRUNGQUOC.VN) is an independent company and has no affiliation with Wiki Foundation.