Програмчлал
Програмчлал буюу компьютерын програмчлал гэдэг нь компьютер програм зохион бүтээх үйл явц юм.
Програмчлалд алгоритм сэдэх, алгоритмын гүйцэтгэлийг шалгах, алгоритмыг аливаа програмчлалын хэлд буулган бичих (үүнийг мөн кодчлол буюу Англи: coding гэдэг) зэрэг үйлдлүүд багтдаг. Програмын эх кодыг хүний ойлгох дээд төвшний программчлалын хэлээр бичдэг байхад энэ кодыг машин код болгож хувиргаснаар компютерийн төв процессор ойлгож ажиллуулна. Програмчиллах хүнийг программист гэнэ.
Програмчлалын гол зорилго нь ямарваа үйлдлийг автоматжуулж компьютераас гүйцэтгүүлэх - иймд программист нь програм хэрэгжүүлэх гэж буй салбарын мэдлэг, нарийвчилсан алгоритм, математик логик зэрэг хэд хэдэн сэдэвт мэргэшсэн байх ёстой.
Програмчлалтай холбоотойгоор шалгах (тестлэх буюу Англи: testing), алдаа засах (дебаг буюу Англи: debugging), сахих (Англи: maintenance), build систем бүтээх, програмтай холбоотой өгөгдлийг удирдах зэрэг үйлдлүүд байдаг ба эдгээрийг бүхэлд нь програм хангамж хөгжүүлэлт ч гэдэг. Үүнтэй холбоотойгоор инженерчлэлийн аргазүйг ашиглан програм хангамж хөгжүүлэхийг програм хангамжийн инженерчлэл гэнэ.
This article uses material from the Wikipedia Монгол article Програмчлал, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.