അഞ്ജാ കെറ്റി ആന്റേഴ്‌സൻ

കോപ്പൻഹേഗൻ സർവ്വകലാശാലയിൽ നിന്ന് B.Sc(1991), M.Sc(1995), PhD(1999) എന്നീ ബിരുദങ്ങൾ നേടി. "Cosmic Dust and Late-Type Stars" എന്നതായിരുന്നു അവരുടെ ഗവേഷണവിഷയം. ഏഴാം തരത്തിൽ പഠിക്കുമ്പോഴായിരുന്നു യൂഫേ ഗ്രീ ജോർജെൻസൻ എന്ന ഡാനിഷ് ജ്യോതിശാസ്ത്രജ്ഞൻ സ്ക്കൂൾ‌ സന്ദർശിച്ചത്. ഇദ്ദേഹത്തിന്റെ പ്രഭാഷണത്തിലൂടെയാണ് ആന്റേഴ്സൺ ജ്യോതിശാസ്ത്രത്തിൽ തൽപരയാകുന്നത്. ജൂലി, സിസിലി, ജേക്കബ് എന്നീ മൂന്നു മക്കളുണ്ട്.

ബഹിരാകാശ ധൂളികളെ കുറിച്ചുള്ള പഠനത്തിലാണ് അഞ്ജാ കെറ്റി ആന്റേഴ്സൺ കൂടുതൽ ശ്രദ്ധ കേന്ദ്രീകരിച്ചിട്ടുള്ളത്. നക്ഷത്രരൂപീകരണത്തിൽ ഇവക്കുള്ള പങ്കിനെ കുറിച്ച് ഗവേഷണം നടത്തുന്നു. ഇപ്പോൾ ഇവർ നീൽസ് ബോർ ഇൻസ്റ്റിട്യൂട്ടിലെ അദ്ധ്യാപികയും കോപ്പൻഹേഗനിലെ ഡാർക്ക് കോസ്മോളജി സെന്ററിലെ ഗവേഷകയുമാണ്. പ്രഭാഷക, എഴുത്തുകാരി എന്ന നിലകളിലും ഇവർ ശ്രദ്ധേയയാണ്.