ചലച്ചിത്രം ദ ബോൺ ലെഗസി

2012 ൽ ഇറങ്ങിയ ഈ ചിത്രം ജേസൺ ബോൺ ചലച്ചിത്രപരമ്പരയിലെ നാലാമത്തെതാണ്. എറിക് വാൻ ലസ്റ്റ്ബാഡറിന്റെ ആദ്യ ബോൺ നോവലായ ദ ബോൺ ലെഗസിയുടെ അതേ പേര് തന്നെയാണ് ചിത്രത്തിന് നല്കിയതെങ്കിലും അതിന്റെ തിരക്കഥയും നോവലിന്റെ പ്രമേയവുമായി ഒരു സാദൃശ്യവുമില്ല. നോവലിലെ മുഖ്യ കഥാപാത്രം ജേസൺ ബോൺ തന്നെ ആയിരിക്കുമ്പോൾ ചിത്രത്തിൽ ആരോൺ ക്രോസ്സ് എന്ന ഏജൻറ് ആണ് മുഖ്യ കഥാപാത്രം. ജെറമി റെന്നർ, റേച്ചൽ വൈസ്, എഡ്വേഡ് നോർട്ടൺ എന്നിവർ ചിത്രത്തിൽ മുഖ്യ വേഷങ്ങൾ അവതരിപ്പിച്ചു.  

The Bourne Legacy
Theatrical release poster
സംവിധാനം	Tony Gilroy
നിർമ്മാണം	Frank Marshall Patrick Crowley Jeffrey M. Weiner Ben Smith
കഥ	Tony Gilroy
തിരക്കഥ	Tony Gilroy Dan Gilroy
ആസ്പദമാക്കിയത്	Jason Bourne series by Robert Ludlum
അഭിനേതാക്കൾ	Jeremy Renner Rachel Weisz Edward Norton Albert Finney Joan Allen Stacy Keach Oscar Isaac Scott Glenn
സംഗീതം	James Newton Howard
ഛായാഗ്രഹണം	Robert Elswit
ചിത്രസംയോജനം	John Gilroy
സ്റ്റുഡിയോ	Relativity Media The Kennedy/Marshall Company Captivate Entertainment
വിതരണം	Universal Pictures
റിലീസിങ് തീയതി	ജൂലൈ 30, 2012 (2012-07-30) (New York City) ഓഗസ്റ്റ് 10, 2012 (2012-08-10) (United States)
രാജ്യം	United States
ഭാഷ	English
ബജറ്റ്	$125 million
സമയദൈർഘ്യം	135 minutes
ആകെ	$276.1 million

പരമ്പരയിലെ മുൻ ചിത്രങ്ങളുടെ സംവിധായകൻ പോൾ ഗ്രീൻഗ്രാസ് ഈ ചിത്രം സംവിധാനം ചെയ്യാത്തതിനാൽ മാറ്റ് ഡാമൺ ഈ ചിത്രത്തിൽ നിന്ന് വിട്ടുനിന്നു. അതിനാൽ ജേസൺ ബോൺ എന്ന കഥാപാത്രം ഈ ചിത്രത്തിൽ പ്രത്യക്ഷപ്പെടുന്നില്ല. ചിത്രത്തിന്റെ ചിത്രീകരണം മുഖ്യമായും ന്യൂയോർക്ക് നഗരത്തിലാണ് നടന്നത്. ചില രംഗങ്ങൾ ഫിലിപ്പീൻസ്, ദക്ഷിണ കൊറിയ, പാകിസ്താൻ, കാനഡ എന്നിവിടങ്ങളിൽ ചിത്രീകരിച്ചു. 2012 ഓഗസ്റ്റ് 10 ന് പുറത്തിറങ്ങിയ ഈ ചിത്രത്തിന് സമ്മിശ്ര പ്രതികരണം ലഭിച്ചു. ചിത്രത്തിന്റെ പ്രമേയവും, ജെയിംസ് ന്യൂട്ടൺ ഹോവാർഡിന്റെ സംഗീതവും, റെന്നറുടെ പ്രകടനം പ്രകീർത്തിക്കപ്പെട്ടപ്പോൾ മാറ്റ് ഡാമന്റെയും, ഗ്രീൻഗ്രാസിന്റെ സവിശേഷ കാമറ ശൈലിയുടെയും അഭാവം എന്നിവ ഒരു പോരായ്മയായി ചൂണ്ടിക്കാട്ടി. 2016 ൽ ഇറങ്ങിയ ജേസൺ ബോൺ എന്ന ചിത്രത്തിൽ മാറ്റ് ഡാമൺ, പോൾ ഗ്രീൻഗ്രാസ് എന്നിവർ മടങ്ങിയെത്തി.