Rambun Pamenan
Rambun Pamenan adolah sabuah carito rakyaik minangkabau populer.
Layaknyo carito kaba pado umumnyo, kisah ko diturunan turun temurun malalui panuturan lisan, tarutamo lewat randai. Walaupun indak sapopuler kisah Lareh Simawang jo Umbuik Mudo, kaba nan populer di Luhak Tanah Data ko indak kalah heroik. Untuak maingek kisah pahlawan Rambun Pamenan manyalamaikan Linduang Bulan, pamarintah satampek bahkan mambuek sabuah cagar budaya. Situs barupo rumah gadang nan diagiah nama Istano Silinduang Bulan.
Sinopsis
disabuah dusun tinggalah saorang jando banamo Linduang Bulan. Sasudah kamatian lakinyo, baliau iduik batigo jo duo anaknyo, Rono Pinang jo Rambun Pamenan. Maskipun hiduiknyo susah jo serba kakurangan, Linduang Bulan basikukuh untuak tetap indak manikah baliak, walaupun banyak laki- laki nan maminangnyo. Salain elok budinyo, Linduang Bulan masyhur akan karancakan parasnyo. Kaba ko sampai ka talingo rajo karajaan Tarusan Camin, Rajo Angek Garang. Baliau pun mangiriman lamaran, tapi ditolak mantah mantah dek Linduang Bulan. Murka jo jawek Linduang Bulan, Rajo angkuh tasabuik kamudian mamarintahkan anak buahnyo manculik jo menguruang jando baranak duo tasabuik. Tahun balalu, kaduo bujang Linduang Bulan alah baranjak gadang. Rono Pinang jo adiaknyo Rambun Pamenan indak tau apo-apo tantang panculikan ibunyo. Hinggo kamudian urang nan marawat kaduonyo mancaritoan kalakuan indak tapuji Rajo Angek Garang tasabuik.
Kaduo kakak baradiak tasabuik kamudian mangambaro mancari kabaradoan ibunyo. Dek tabateh pangatahuan latak Karajaan Tarusan Camin mambuek Rambun Pamenan bajalan jauah. Jauah bajalan kamudian basarobok saurang pangambaro, Alang Bangkeh. Baliau manjalehan carito panculikan Si Linduang Bulan dek Rajo Angek Garang. Hal ko mam emosi Rambun Pamenan. Baliau balatiah silek labiah kareh sarato bajanji untuak manyalamaikan ibunyo nan disuruakan batahun-tahun. Singkek carito, sampailah Rambun Pamenan di karajaan Tarusan Camin. Duel indak dapek diilakkan. Jo mudah Rambun mangalahan hulubalang jo prajurit istano Rajo Angek Garang. Satalah duel sangik, Rambun barhasil malucuikan parang rajo sombong tasabuik, Hinggo akhianyo mambuek lawannyo tasabuik tewas jo tungkeknyo. Sahinggo batamulah Rambun Pamenan jo ibunyo, kironyo ibunya alah maningga.
Pasan Moral
- SIfaik Babakti pado Urang Tuo
- Kagamaran Manolong
- Akibaik Sifaik Sombong jo Angkuh
Rujuakan
This article uses material from the Wikipedia Minangkabau article Rambun pamenan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.