Karusuahan Stadion Kanjuruhan 2022
Karusuhan Stadion Kanjuruhan 2022 adolah tragedi jo insiden saling injak nan tajadi di Stadion Kanjuruhan, Kabupaten Malang pado 1 Oktober 2022.
Kajadian iko tajadi satalah partandiangan derbi Jawa Timur nan mampatamukan Arema FC jo Persebaya Surabaya. Tragedi iko manjadi tragedi yang manyababkan kamatian tagadang dalam sipak bola Indonesia jo Asia sakaligus manjadi tagadang ka tigo di dunia satalah Tragedi Lima Peru 1962 antaro Peru malawan Argentina nan manewaskan 328 urang jo Tragedi Ghana 2001 antaro Accra Hearts of Oak Vs Asante Kotoko nan manewaskan 126 urang.
 Stadion Kanjuruhan pado tahun 2010 | |
| Templat:Mapframe | |
| Tanggal | 1 Oktober 2022 |
|---|---|
| Lokasi | Stadion Kanjuruhan, Malang, Jawa Timur |
| Koordinat | |
| Jinih | Suporter Arema FC manyarbu masuak lapangan dan diikuti dek Tembakan Gas Aia Mato dek babarapo Oknum Polisi. |
| Maningga | 125 |
| Cidera | - (pakiroan) |
Latar Balakang
Rivalitas antaro Arema jo Persebaya alah tajadi sajak lamo. Putaran partamo Liga 1 musim 2022–2023 dimulai pado 23 Juli 2022. Pado pakan ka-11 tajadi derbi super Jawa Timur nan mampatamukan duo tim nan dianggok basaiang kareh, Arema FC jo Persebaya. Laga iko diadokan pado 1 Oktober 2022 di Stadion Kanjuruhan, Malang, Jawa Timur bermula pukul 20.00 WIB. Dipakirokan sakitar 40.000 penonton datang manyaksikan laga iko.
Tim tamu mulonyo mamimpin dengan 2 gol, sabalun dikaja oleh tim tuan rumah pada akhir babak partamo. Di babak kaduo, Persebaya mancatak 1 gol tambahan. Skor 3–2 untuak kamanangan Persebaya iko batahan hinggo peluit panjang diambuih menandai salasainyo patandingan.
Kronologi
Sapanjang patandiangan, situasi aman, tanpa insiden gadang. Satalah akhir patandiangan, dimano Persebaya manang 3–2, 3.000 supporter Arema FC turun ka lapangan. Kerusuhan tajadi satalah para suporter Arema nan indak tarimo kakalahan ateh Persebaya turun ka lapangan. Para suporter masuak dangan caro mendorong jo malompek paga pambateh tribun. Dek massa nan samakin banyak manarobos masuak ka lapangan, polisi akhirnyo maambuangkan gas aia mato ka tribun penonton. Dek aksi tasabuik kapanikan penonton pun sqmakin batambah. Dek panonton balarian manyalamatkan diri banyak dari penonton nan tapijak-pijak jo badesak-desakan.
Akibaik
Akibaik kajadian iko, sabanyak 125 urang tewas. Duo diantaranyo polisi. 17 anak di bawah umua maningga. Manuruik Kapolda Jawa Timur Irjen Pol. Nico Afinta, 34 urang tewas di stadion dan salabiahnyo maningga di rumah sakik. Akibaik kajadian iko, PT Liga Indonesia Baru mambarantikan Liga 1 salamo sapakan. Presiden Joko Widodo mamarintahkan PSSI mambarantikan Liga 1 sampai evaluasi jo parbaikan prosedur keamanan dilakukan.
Tanggapan
Presiden FIFA, Presiden AFC, babarapo klub gadang sipak bola Eropa, jo babarapo pamain bola lua nagari mangungkapkan bela sungkawa. La Liga jo RFEF sapakaik mangadoan maheningkan cipta sabalun patandingan untuak manghormati korban kajadian iko. Eredivisie jugo malakukan hal sarupo salamo limo minik untuak siso patandiangan pakan ka-8.
Catatan
Refrensi
This article uses material from the Wikipedia Minangkabau article Karusuahan Stadion Kanjuruhan 2022, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.