Kabupaten Bangka

Kabupaten Bangka baribu kota di kecamatan Sungailiat jo jumlah panduduak sabanyak 318.756 jiwa (2019) dan kapadatan panduduak 108,03 jiwa/km2.

Kabupaten Bangka
Kabupaten di Kepulauan Bangka Belitung, Indonesia
Lambang
Semboyan: Sepintu Sedulang
Nagara	Indonesia
Provinsi	Kepulauan Bangka Belitung
Tanggal paresmian	-
Dasa hukum	-
Ibu kota	Sungailiat
Pamarintahan
• Bupati	Ir. H. Tarmizi Saat , MM
Laweh
• Total	2.950,68 km2 (1,139,26 sq mi)
Panduduak (2019)
• Total	318.756 jiwa
• Kapadatan	108,03/km2 (279,8/sq mi)
Demografi
• Agamo	Islam 85,92% Buddha 7,81% Kristen 3,46% - Protestan 2,35% - Katolik 1,11% Konghucu 2,80% Hindu 0,01%
Zona wakatu	WIB (UTC+07:00)
Kode telepon	+62 717
Jumlah kecamatan	8 kecamatan
Jumlah kelurahan	14 kelurahan
Jumlah desa	67 desa
DAU	Rp 562.236.224.000,00- (2020)
IPM	▲ 72,40 (2020) ( Sedang )
Flora resmi	-
Fauna resmi	Tarsius Bangka
Kode Kemendagri	19.01
Situs web	www.bangka.go.id

Kabupaten Bangka marupokan salah satu kabupaten di provinsi Kepulauan Bangka Belitung nan mampunyoi laweh wilayah mancapai 2.950,68 km2. Kabupaten iko sacaro administratif tabagi manjadi salapan kecamatan, yaitu Kecamatan Mendo Barat, Kecamatan Merawang, Kecamatan Puding Besar, Kecamatan Sungailiat, Kecamatan Pemali, Kecamatan Bakam, Kecamatan Belinyu, dan Kecamatan Riau Silip. Dari saluruah kecamatan tasabuik, Kecamatan Mendo Barat marupokan kecamatan paliang laweh nan mancapai 19,33 % wilayah kabuapten, sadangkan Kecamatan Pemali marupokan kecamatan paliang sampik nan anyo mancapai 4,33% wilayah kabupaten.

Tanah di Kabupaten Bangka mampunyoi pH di bawah limo, nan di dalamnyo takanduang mineral biji timah jo bahan galian sarupo pasia kuarsa, kaolin, jo batu gunuang. Sakitar 51% wilayah Kabupaten Bangka marupokan tanah nan bagalombang, 25% rawo jo bancah, 20 % lambah dari nan data inggo agak bagalombang, dan 4% babukik-bukik.

Kabupaten Bangka marupokan kabupaten baiklim tropis. Pado taun 2019, suhu tatinggi di Kabupaten Bangka mancapai 34,9^oC, sadangkan suhu paliang randah mancapai 22,5^oC. Samantaro, intensitas rato-rato panyinaran matoari sagadang 58,9%.

Bateh wilayah

Kabupaten Bangka mamiliki bateh wilayah sabagai barikuik;

Agamo

Manuruik Sensus Panduduak taun 2019, persentase agamo panduduak Kabupaten Bangka adolah Islam 85,92%, kudian Buddha 7,81%, Kristen 3,46% (Protestan 2,35% jo Katolik 1,11%), Konghucu sarato kapicayoan 2,80% dan Hindu 0,02%.

Etnis

Panduduak asali di Kabupaten Bangka adolah urang Malayu Bangka. Samantaro panduduak pandatang nan rami jumlahnyo adolah urang Tionghoa. Kaduo etnis iko dapek saliang bainteraksi sarato tajadi asimilasi. Semboyan fan ngin, to ngin jit jong ("Tionghoa jo Melayu sadarajaik") jo sepintu sedulang (mukasuiknyo gotong royong dalam babagai kagiatan) manjadi landasan utamo dalam interaksi sosial di antaro kaduonyo. Ritual Naber Laut, marupokan salah satu ritual adat Bangka nan maampagunokan unsua budaya Malayu Bangka jo Tionghoa.

Bahaso

Salain bahaso Indonesia, bahaso daerah dipagunokan ju dalam tutua kato sahari-hari panduduak Kabupaten Bangka. Bahaso daerah nan juo manjadi basantara di Kabupaten Bangka adolah bahaso Malayu Bangka atau disingkek manjadi bahaso Bangka. Bahaso Bangka mampunyoi dialek-dialek antaro lain dialek Pangkalpinang, Sungailiat, Toboali, Mentok jo dialek Belinyu. Dialek Sungailiat jo Belinyu marupokan dialek nan taseba di Kabuapten Bangka.