Iriak Onjai

Iriak Onjai iyolah suatu bantuak sastra lisan dari Rao, Pasaman Timur, tapeknyo di Koto Panjang jo Bangkak.

Bantuak sastra lisan ko iyolah barupo pantun nan didendangkan sacaro bagantian dek sakalompok urang laki-laki. Tradisi ko dikarajoan katiko urang kampuang sadang panen padi. Caro mangarajoannyo iyolah jo laki-laki nan babaleh pantun jo sakalompok laki-laki nan lain.

Tradisi ko dikarajoan di tangah sawah, iko sasuai jo namonyo iyolah Iriak Onjai. Iriak atau mairiak iyolah mamisahkan padi dari tangkainyo nan sabalumnyo padi tu alah dikumpuakan di lampok. Lampok ditagakkan di tangah sawah nan leba, caronyo managakan tenda di atehnyo, dalam tenda tu lah padi-padi kumpuakan. Antaro tanah jo lantai diagiah jarak jo papan nan disusun agak bajarak-jarak, supayo ado lubang-lubang ketek tampek jatuah padi ka bawahnyo (ka tanah nan alah diagiah aleh). Caro mamisahan padi dari tangkainyo iyolah jo manggesek-gesekan kaduo kaki baganti-ganti sampai padi tapisah dari tangkainyo. Onjak kaki nan baganti-ganti ko lah nan dinamokan Onjai (sarupo jalan di tampek). Urangnyo dak manantu, antaro duo sampai limo baleh urang atau labiah.

Sambia mairiak, urang laki-laki bapantun nan diiriangkan jo rabano jo mamakai bahaso Minang, dialek Rao. Samantaro urang padusi bakarajo mangumpuaan padi jo manampinyo, anyo dak sato babaleh pantun. Bagi urang laki-laki nan alun punyo bini, tradisi ko dikarajoan sakaligus untuak mancari bini. Dek itulah pantun-pantun tu akan ditujukannyo ka padusi nan disukoinyo, sahinggo padusi tu akan malu. Kalau lai cocok, anyo baduo ka malanjuikan hubungannyo. Salain itu tradisi ko juo untuak parintang sahinggo dapek mailangkan raso latiah katiko mairiak.

Tapi, kini sastra lisan Iriak Onjai ko dak ado ditampilkan lai dek urang kampuang dek zaman lah bakambang jo ganarasi alah batuka. Salain tu ilangnyo tradissi ko dek banyaknyo urang kampuang nan indak ka sawah lai dek jauah dari rumah

Caliak juo

Rujuakan

  • Amir, Adriyeti Dkk (2006). Pemetaan Sastra Lisan Minangkabau. Padang: Andalas University Presss. pp. 218. ISBN 979-1097-08-9. 

Tags:

Rao, PasamanSastra lisan Minangkabau

🔥 Trending searches on Wiki Minangkabau:

Adaik MinangkabauBudaya MinangkabauUndang limbago2011Karak kaliangDaftar kabupaten jo kota di Sumatera BaratChangan CS35Daftar kecamatan dan kelurahan di Kota Tanjung BalaiDaerah Khusus Ibukota JakartaDaftar kabupaten jo kota di Sumatera SelatanWikipediaBurundiLinguistikMuhammadiyahBiji kopiLionel MessiBahaso MelayuGunung Alip, TanggamusMadagaskarMarie CurieKurma (pohon)Puan MaharaniKelok Ampek Puluah AmpekTikalak, X Koto Singkarak, SolokMitologi BatakUrang PutiahBeirutAlacaElvis PresleyKristenRasuna SaidRukun IslamKubang, Guguak, Lima Puluh KotaKuminih1998DhakaManortorAbdullah Ahmad BadawiRoti tenongAbdullah dari Arab SaudiBerang-berang raksasaBahaso OcuBahaso Tamil8945Marouane FellainiKapuyuakDewan Perwakilan Rakyat Daerah Provinsi Sumatera SelatanDaftar kode telepon di IndonesiaEpidemiologiSMP Negeri 8 PadangBinatang manyusuanIkan bilih goreng57Urang AwakTentara Nasional Indonesia40Stasiun Kiaracondong98Bubua sumsumAbdul Hafil FuddinBahaso ColPalo2002 PZ170Daftar kecamatan dan kelurahan di Kabupaten Muaro JambiKepulauan Bangka BelitungIrakUrang CinoGodok obuihRichi AprianIrwan PrayitnoRumah Mande RubiahPanyakik koronavirus 2019MarmerDewan Perwakilan Rakyat Daerah Kabupaten Padang Lawas🡆 More