Gunuang Singgalang: Gunuang di Sumatera Barat
Gunuang Singgalang marupokan sabuah gunuang nan talatak di provinsi Sumatra Barat, Indonesia jo katinggian 2,877 meter.
| Gunung Singgalang | |
|---|---|
_-_Bukit_Tinggi,_West_Sumatra_(27_October_2020)_(1).jpg) | |
| Katinggian | 2,877 m (9,439 ft) |
| Daftar | Ribu |
| Lokasi | |
  Gunung Singgalang  Gunung Singgalang | |
| Jajaran | Bukit Barisan |
| Koordinat | 0°23′24″S 100°19′51″E / 0.39000°S 100.33083°E |
| Geologi | |
| Jinih | stratovolcano |
| Busur/Sabuk vulkanik | Busur Sunda |
| Latuih taakia | Tidak Diketahui |
| Pandakian | |
| Rute mudah | Pandai Sikek |
Dari bantuaknyo, gunuang ko amaik mirip jo Gunuang Merbabu di Jawa Tengah. Gunuang ko alah indak aktif lai dan mampunyoi talago di puncaknyo nan marupokan bakeh kawah. Talago ko banamo Talago Dewi. Gunuang Singgalang mampunyoi kawasan hutan gunuang nan amaik lambok sarato mampunyoi kanduangan aia nan banyak.
Jalua Pandakian
Jalua pandakian utamo gunuang singgalang adolah via Pandai Sikek. Para pandaki biasonyo baranti di Pasa Koto baru (10 Km dari Padang Panjang arah ka Bukiktinggi). Dari siko pandaki dapek bajalan atau naiak kandaraan umum sajauah 2 Km inggo ka posko pandakian, nan talatak di Jorong Tanjuang, Kanagarian pandai Sikek.
Dari posko pandakian, pandaki masih dapek manggunokan kandaraan (motor/oto) inggo ka pos pambarantian barikuiknyo. Panduduak satampek manyabuiknyo lokasi/ pamanca/ stasiun RCTI/TVRI, nan bajarak kurang labiah 4 Km dari posko pandakian.
Disiko tasadio tampek parkir kandaraan. Dari siko baru dimulai pandakian sabananyo. Trek jalanan nan cukuik curam jo licin. Di paruah awa, trek pandakian barupo hutan riang riang jo pimping. Kudian baru masuak hutan rimbo jo jalan satapak malalui aka-aka kayu. Pandakian normal biasonyo mambutuahan wakatu 4 inggo 5 jam. Sadang katiko hujan turun atau trek dalam kaadaan basah, wakatu tampuah dapek mancapai duo kali lipeknyo.
Rujuakan
Pautan lua
- (Inggirih)Panduan mandaki Gunuang Singgalang
This article uses material from the Wikipedia Minangkabau article Gunuang Singgalang, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.