Kabupaten Dharmasraya
Kabupaten Dharmasraya adolah salah satu kabupaten nan barado di Provinsi Sumatera Barat, Indonesia, nan wilayahnyo babateh juo jo Provinsi Riau jo Jambi.
Kabupaten ko dibantuak dek Undang-undang no. 38 Taun 2003, di ma sabalunnyo wilayah iko adolah bagian dari kabupaten Sawahlunto-Sijunjung. Ibu kota kabupaten ko adolah Pulau Punjung.
| Kabupaten Dharmasraya | ||
|---|---|---|
Kabupaten di Sumatera Barat, Indonesia | ||
 | ||
| ||
| Julukan: Ranah Cati nan Tigo | ||
| Semboyan: Tau jo nan ampek (Minang) Masyarakaiknyo mamiliki ampek pangatahuan nan taparinci soal adat, agamo, ilimu pangatauan, jo teknologi | ||
 | ||
| Nagara |  Indonesia | |
| Provinsi | Sumatera Barat | |
| Tanggal paresmian | 18 Desember 2003 | |
| Dasa hukum | UU Nomor 38 Tahun 2003 | |
| Ibu kota | Pulau Punjung | |
| Pamarintahan | ||
| • Bupati | Sutan Riska Tuanku Kerajaan | |
| • Wakil Bupati | lowong | |
| Laweh | ||
| • Total | 2.961,13 km2 (1,143,30 sq mi) | |
| Panduduak (2021) | ||
| • Total | 228.591 jiwa | |
| • Kapadatan | 77/km2 (200/sq mi) | |
| Demografi | ||
| • Agamo | Islam 98,36% Kristen 1,62% - Protestan 1,40% - Katolik 0,22% Kapicayoan 0,02% | |
| Zona wakatu | ||
| Kode telepon | 0754 | |
| Plat kandaraan | BA xxxx V** | |
| Jumlah kecamatan | 11 | |
| DAU | Rp 535.658.048.000,- (2020) | |
| IPM | ▲ 71,76 (2021) tinggi | |
| Kode Kemendagri | 13.10  | |
| Situs web | dharmasrayakab.go.id | |
Sijarah
Namo Dharmasraya patamo kali tasabuik pado batu basurek Padang Roco (1347 M), nan pado maso tu marupoan pusek Karajaan Malayupura, nan dipimpin dek rajo-rajo dari wangsa Mauliwarmadewa. Batu basurek ko tapahek pado aleh (lapik) patuang Amoghapāśa Lokeśvara, nan dibao dari Jawa dek ampek pajabaik Karajaan Singhasari ateh parentah Maharajo Sri Kertanagara. Tigo situs kompleks biaro paninggalan karajaan lamo tu, iyolah situs Padang Roco, situs Pulau Sawah jo situs Bukik Awang Maombiak, talatak di Nagari Siguntua di kecamatan Sitiung.
Pado maso satalah masuaknyo agamo Islam di Minangkabau, di wilayah ko badiri Karajaan Siguntua, nan para panguasonyo bagala Sutan atau Sultan. Paninggalan sijarah karajaan Islam ko antaro lain barupo naskah, musajik kuno, rumah gadang, sarato cap mohor (stempel) karajaan nan batulis jo uruf Arab.
Sabagai kabupaten nan baru, Kabupaten Dharmasraya kudian dirasmikan pado tanggal 7 Januari 2004 dek Gubernur Sumatera Barat ateh namo Menteri Dalam Negeri, dan kagiatan pamarentahan dimulai pado tanggal 10 Januari 2004 dek Pjs Bupati Dharmasraya. Pado tanggal 12 Agustus 2005, tapiliahlah Bupati jo Wakil Bupati Kabupanten Dharmasraya malalui pilkada lansuang.
Pamarentahan
Bupati
| No | Bupati | Mulai Manjabaik | Salasai Manjabaik | Pariode | Ket. | Wakia Bupati | ||||
|---|---|---|---|---|---|---|---|---|---|---|
| ||||||||||
| ||||||||||
 |
|  | ||||||||
 |
|  | ||||||||
 |
| |||||||||
|  | |||||||||
| ||||||||||
 |
|  | ||||||||
Dewan Perwakilan
Barikuik iko adolah komposisi anggota DPRD Kabupaten Dharmasraya dalam duo pariode tarakhia.
| Partai Politik | Jumlah Kursi dalam Pariode | |
|---|---|---|
| 2014-2019 | 2019-2024 | |
| PKB | 2 | ▼ 1 |
| GERINDRA | 2 | ▲ 3 |
| PDIP | 4 | ▲ 7 |
| GOLKAR | 5 |  5 |
| NASDEM | 3 | 3 |
| BERKARYA | (baru) 2 | |
| PKS | 1 | ▲ 2 |
| PPP | 1 | ▼ 0 |
| PAN | 2 | ▲ 4 |
| HANURA | 3 | ▼ 1 |
| DEMOKRAT | 2 | 2 |
| Jumlah Anggota | 25 | ▲ 30 |
| Jumlah Partai | 10 | 10 |
Kecamatan
Kabupaten Dharmasraya tadiri dari 11 kecamatan, nan malingkupi 52 nagari jo 260 jorong. Parincian laweh wilayah jo ibu kota satiok kecamatan tu sbb.:
| No | Namo kecamatan | Ibu kota kecamatan | Laweh wilayah |
|---|---|---|---|
| 1 | Kecamatan Asam Jujuhan | Sungai Limau | 485,41 km² |
| 2 | Kecamatan IX Koto | Silago | 500,50 km² |
| 3 | Kecamatan Koto Baru | Koto Baru | 221,20 km² |
| 4 | Kecamatan Koto Besar | Koto Besar | 560,57 km² |
| 5 | Kecamatan Koto Salak | Koto Salak | 121,45 km² |
| 6 | Kecamatan Padang Laweh | Padang Laweh | 60,62 km² |
| 7 | Kecamatan Pulau Punjung | Sungai Dareh | 443,16 km² |
| 8 | Kecamatan Sitiung | Sitiung | 124,57 km² |
| 9 | Kecamatan Sungai Rumbai | Sungai Rumbai | 51,06 km² |
| 10 | Kecamatan Timpeh | Tabek | 323,01 km² |
| 11 | Kecamatan Tiumang | Tiumang | 134,43 km² |
Geografi
Wilayah Kabupaten Dharmasraya talatak antaro 0°47'7" – 1°41'56" Lintang Selatan jo 101°9'21" – 101°54'27" Bujua Timur. Di sabalah utara babateh jo Kabupaten Sijunjung jo Kabupaten Kuantan Singingi (Riau), di timur jo Kabupaten Tebo jo Kabupaten Bungo (kaduonyo Jambi), di selatan jo Kabupaten Bungo jo Kabupaten Kerinci (kaduonyo Jambi), sarato di barat jo Kabupaten Solok jo Kabupaten Solok Selatan.
Panduduak
Jumalah panduduak Kabupaten Dharmasraya badasa sensus taun 2016 adolah sabanyak 229.313 jiwa, di ma nan 118.801 jiwa adolah lalaki jo nan 110.512 jiwa adolah padusi. Samantaro jumalah angkatan karajo kabupeten ko manuruik sensus taun 2015 adolah sabanyak 102.861 jiwa.
Manuruik sensus taun 2003, kabupaten ko diunyi dek panduduak dari baragam suku bangsa, yaitu:
Baragamnyo suku banso nan ado di kabupaten ko dipangaruahi dek antaro taun 1977-2002 Kabupaten Dharmasraya marupkoan salah satu daerah tujuan transmigrasi dari Jawa. Di antaro kalompok transmigrasi dari Jawa adolah nan barasa dari Wonogiri nan tapaso pindah dek karano dibangunnyo Waduk Gajah Mungkur di sinan.
Caliak pulo
Rujuakan
Pautan lua
This article uses material from the Wikipedia Minangkabau article Kabupaten Dharmasraya, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.