Bahaso Pasisi
Bahaso Pasisi Siboga atau disingkek Baso Pasisi adolah salah satu bahaso dalam rumpun Malayu nan ditutuakan dek Urang Pasisi nan marupokan panduduak Tapanuli Tangah jo Sibolga, Sumatra Utara.
Bahaso ko taseba di sapanjang pasisia barat Pulau Sumatra sajak dari Mandailing Natal, Sibolga, inggo Barus.
Baso ko dianggap sabagai salah satu dialek dalam bahaso Minangkabau, karano sijarah bahaso ko bamulo sajak parantau Minang dari daerah Pariaman nan pai manggaleh di sapanjang pasisia barat Pulau Sumatra bagian utara. Parantau-parantau ko kudian bakomunikasi jo suku bangso lain sarupo Malayu jo Batak, sainggo tajadilah akulturasi jo kaduo bahaso tu. Bahaso ko mampunyoi kamiripan jo dialek Pariaman.
Ungkapan dasa
Kato Ganti
| Minangakabu (Standar) | Pasisi |
|---|---|
| Ambo/Awak/Den/Denai | Ambo |
| Awak/waang/ang/kau | Awak-ang/ang/kau |
| Awak/Kito | Kito |
| Inyo (jamak) | Sidak |
| Inyo | Awaknyo |
| Kalian | Munak |
Patunjuak Tampek/Arah
| Minangkabau (Standar) | Pasisi |
|---|---|
| Itu | Inun (nun) |
| Iko | Iko |
| Ateh | Ateh |
| Bawah | Bawah |
| Suduik | Suduk |
| Mudiak | Mudik |
| Ilia | Ili |
Kato Bilangan
| Minangkabau (Standar) | Pasisi |
|---|---|
| Ciek/Satu/Aso | Satu |
| Duo | Duo |
| Tigo | Tigo |
| Ampek | Ampek |
| Limo | Limo |
| Anam | Anam |
| Tujuah | Tuju |
| Salapan | Salapan |
| Sambilan | Sambilan |
| Sapuluah | Sapulu |
| Saratuih | Saratui |
| Duo ratuih | Duo ratui |
| Sabaleh | Sabale |
| Duo baleh | Duo bale |
| Ampek baleh | Ampek bale |
| Duo puluah | Duo pulu |
Contoh kalimaik
| Pasisi: | Barisuk ambo nandak pai ka Siboga mampasuoi adiak ambo sekalian manjanguk pamili anak ruma ambo nang ala mandaului kito |
| Minangkabau (Standar): | Bisuak ambo nak pai ka Sibolga basuo jo adiak ambo jo sakalian malayaik famili urang rumah ambo nan alah mandahului awak. |
| Pasisi: | Pabilo wa'ang pai ka Medan? |
| Minangkabau (Standar): | Bilo ang pai ka Medan? |
| Pasisi: | Jangan munak lakeh tasundek! |
| Minangkabau (Standar): | Jan kau capek marabo! |
| Pasisi: | Ambo hampokkan wa'ang beiko da?! |
| Minangkabau (Standar): | Den ampok ang beko yo?! |
| Pasisi: | Umak, nikahkanlah ambo ka anak gadih nan rancak tu! |
| Minangkabau (Standar): | Amak, nikahanlah ambo jo anak gadih nan rancak tu! |
| Pasisi: | Bulek Ai Karano Pambuluh, Bulek Kato karano Mufakat (paribahaso) |
| Minangkabau (Standar): | Bulek aia dek pambuluah, bulek kato dek mufakaik |
Bahaso Pasisi
Bahaso Pasisi Siboga atau disingkek Baso Pasisi adolah salah satu bahaso dalam rumpun Malayu nan ditutuakan dek Urang Pasisi nan marupokan panduduak Tapanuli Tangah jo Sibolga, Sumatra Utara.
This article uses material from the Wikipedia Minangkabau article Bahaso Pasisi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.