Rembrandt Harmenszoon van Rijn (1606-1669), ia es un artiste baroca nederlandes, e un de la pintores la plu grande en la arte ueste.
El ia nase en Leiden. A 14 anios, el ia entra la universia de Leiden. El ia abanda esta per studia la arte en Amsterdam.
Par se sposi a Saskia van Uylenburg, la cusin de un vendor de arte susedosa, el ia veni en contata con padrones rica ci ia encarga pitures personal con plase.
On ia amira e compra multe se pitures mital e relijios. Se pitures prima ia ave sujetos dramal con folas en posas composada, e asentua contrastas de lus e ombra. Pitur de la construor de barcones Jan Rijcksen e se sposa mostra se moda temprana — se preocupa con detalias de fas e vestes e mobila de sala.
Rembrandt ia pinta ance 60 autopitures, ce ia es plu tarda fusada en se pitures istorial e biblial.
La primas de se encargadas publica major en Amsterdam ia inclui La leson de anatomia par Dr. Nicolaes Tulp, mostrante la sirurjistes grande ci ia asembla per sesioni e discute. En La vijila de note, Rembrandt ia reali un drama, pintante un compania militar en batalia. Algas de se vistas es romantica e de se imajina propre.
En un obra biblial, Reveni de la fio perinte, Rembrandt ia asentua la drama psicolojial a interna. El ia crea ance sirca 1400 desinias de vistas variosa esterna e interna. Un desinia temprana, Pitur de un om en un senton, videda tra un cuadro es fada en creta, e on considera el como se pitur personal la plu grande.
This article uses material from the Wikipedia Lingua franca nova article Rembrandt van Rijn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.