Cabe Jawa
Cabe Jamu utawa Cabe Jawa (Piper retrofractum vahl) tergolong Kaluarga Pipperaceae.
Nang nggon liya tanduran kiye disebut Lada Panjang (Sumatra), Cabe Solak (Madura), lan Cabia (Sulawesi).
Bentuke tanduran kaya Suruh, ngrambat, manjat, nggubet, karo mbrangkang. Godhonge bunder endog kanthi lonjong. Wohe brintik-brintik cilik, bunder dawa utawa silindris, pucuke nyilik. Woh sing esih nom wernane kelabu, terus dadi ijo, kuning, abang lan amoh. Rasane pedes lan wangi.
Khasiate antarane ngobati lara wetheng, masuk angin, beri-beri, rematik, darah rendah, kolera, mriang, mumet, lemah syahwat, bronkitis, lan sesak nafas. Makane bahan iki akeh dibutuhna nggo jamu tradisional lan obat pil/kapsul moderen. Uga bisa nggo campuran omben-omben. Rasa pedes asale sekang senyawa piperin, sing kandungane antara 4.6 persen.
Cabe Jamu bisa urip nang kebon sing dhuwure 0-600 meter nang dhuwur laut. Udhan sing dibutuhna rata-rata 1.259-2.500 mm/taun. Lemah lempung, pasir, lan susunan lemah loh sing pengairane apik, kuwe lahan sing cocok nggo nandhur Cabe Jamu. Tanduran iki ndhuwe keunggulan bisa urip nang lahan sing garing lan akeh watune. Tanggul watu nang pematang tegalan bisa didadekna panggonan ngerambate wit Cabe Jamu.
Ramuan
- Jamu Cabe Puyang
Pranala Jaba
This article uses material from the Wikipedia Basa Banyumasan article Cabe jawa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Banyumasan (DUHOCTRUNGQUOC.VN) is an independent company and has no affiliation with Wiki Foundation.