ເຂດພະຍາໄທ (ໄທ: เขตพญาไท) ແມ່ນ 1 ໃນ 50 ເຂດການປົກຄອງຂອງບາງກອກ ຢູ່ໃນກຸ່ມເຂດບາງກອກກາງ ສະພາບພື້ນທີ່ໂດຍທົ່ວໄປເປັນແຫຼ່ງການຄ້າ ການບໍລິການ ແລະແຫຼ່ງທີ່ຢູ່ອາໄສໜາແໜ້ນຫຼາຍ
|
ເຂດພະຍາໄທຕັ້ງຢູ່ທາງຝັ່ງພະນະຄອນ ມີອານາເຂດຕິດຕໍ່ກັບພື້ນທີ່ການປົກຄອງຕ່າງ ໆ ຮຽງຕາມເຂັມໂມງດັງນີ້
ອຳເພີພະຍາໄທ ໄດ້ຮັບການຈັດຕັ້ງຂຶ້ນຄັ້ງທຳອິດ ເມື່ອປີ ຄ.ສ. 1966 ຕັ້ງຊື່ຕາມພະລາຊະວັງພະຍາໄທເຊິ່ງແມ່ນວັງທີ່ພະບາດສົມເດັດພະຈຸລະຈອມເກົ້າເຈົ້າຢູ່ຫົວໂປດເກົ້າໃຫ້ສ້າງຂຶ້ນເປັນຕຳໜັກສຳລັບສະເດັດປະພາດບົນທີ່ດິນຮິມຄອງສາມເສນ ທຸ່ງພະຍາໄທ ຊ່ວງທຳອິດອຳເພີພະຍາໄທແບ່ງເຂດການປົກຄອງອອກເປັນ 7 ຕຳບົນ ແມ່ນພື້ນທີ່ອຳເພີດຸສິດເດີມ 5 ຕຳບົນ ໄດ້ແກ່ ຕຳບົນທຸ່ງພະຍາໄທ ຕຳບົນຖະໜົນພະຍາໄທ ຕຳບົນຖະໜົນເພັດຊະບຸລີ ຕຳບົນມັກກະສັນ ແລະຕຳບົນສາມເສນ ແລະແມ່ນພື້ນທີ່ອຳເພີບາງກະປິເດີມ 2 ຕຳບົນ ໄດ້ແກ່ ຕຳບົນຫ້ວຍຂວາງແລະຕຳບົນບາງກະປິ ຈົນຮອດໃນປີ ຄ.ສ. 1971 ຈັງຫວັດພະນະຄອນຖືກຮວມເຂົ້າກັບຈັງຫວັດທົນບຸລີ ປ່ຽນຖານະເປັນນະຄອນຫຼວງກຸງເທບທົນບຸລີ ແລະໃນປີ ຄ.ສ. 1972 ຈຶງປ່ຽນແປງຖານະເປັນກຸງເທບມະຫານະຄອນ ເຊິ່ງປ່ຽນຄຳເອິ້ນເຂດການປົກຄອງໃໝ່ນຳ ອຳເພີພະຍາໄທໄດ້ຮັບການປ່ຽນແປງຖານະເປັນ ເຂດພະຍາໄທ ສ່ວນຕຳບົນຕ່າງໆ ກໍປ່ຽນຖານະເປັນແຂວງ
ຈາກນັ້ນທາງລາຊະການໄດ້ປ່ຽນແປງພື້ນທີ່ປົກຄອງຂອງເຂດພະຍາໄທຫຼາຍເທື່ອ ເພື່ອຈັດຂະໜາດພື້ນທີ່ແລະຈຳນວນປະຊາກອນຂອງແຕ່ລະເຂດໃຫ້ມີຄວາມສົມດຸນ ເລິ່ມຕັ້ງແຕ່ໃນປີ ຄ.ສ. 1973 ແຂວງຫ້ວຍຂວາງແລະແຂວງບາງກະປິໄດ້ຮັບການຍົກຖານະເປັນເຂດຫ້ວຍຂວາງຕໍ່ມາໃນປີ ຄ.ສ. 1978 ແຂວງດິນແດງແລະບາງສ່ວນຂອງແຂວງສາມເສນໃນຖືກໂອນໄປຂຶ້ນກັບເຂດຫ້ວຍຂວາງ ໃນຂະນະທີ່ພື້ນທີ່ບາງສ່ວນຂອງແຂວງຫ້ວຍຂວາງແລະແຂວງບາງກະປິກໍຖືກໂອນມາຮວມກັບແຂວງສາມເສນໃນແລະແຂວງມັກກະສັນໃນປີ ຄ.ສ. 1989 ພື້ນທີ່ 4 ແຂວງທາງທິດໃຕ້ຂອງເຂດໄດ້ແຍກອອກໄປຕັ້ງເປັນເຂດລາຊະເທວີການປັບປຸງເຂດການປົກຄອງຄັ້ງນີ້ສົ່ງຜົນໃຫ້ເຂດພະຍາໄທເຫຼືອແຂວງສາມເສນໃນຢູ່ພຽງແຂວງດຽວ ສ່ວນພະລາຊະວັງພະຍາໄທເຊິ່ງແມ່ນທີ່ມາຂອງຊື່ເຂດ ຮວມທັງຖະໜົນພະຍາໄທກໍບໍ້ໄດ້ຢູ່ໃນພື້ນທີ່ຂອງເຂດອີກຕໍ່ໄປ ແຕ່ໄປຢູ່ໃນເຂດລາຊະເທວີແທນ ແລະສຸດທ້າຍໃນປີ ຄ.ສ. 1994 ພື້ນທີ່ທາງທິດຕາເວັນອອກສຽງໃຕ້ຂອງເຂດກໍຖືກແບ່ງແຍກໄປຮວມກັບເຂດດິນແດງທີ່ເພິ່ງຕັ້ງຂຶ້ນໃໝ່
ເຂດພະຍາໄທມີໜ່ວຍການປົກຄອງຍ່ອຍ 1 ແຂວງ (khwaeng) ຄື
ອັກສອນລາວ | ອັກສອນໂລມັງ | ພື້ນທີ່ (ຕລ.ກມ.) | ຈຳນວນປະຊາກອນ (ພະຈິກ 2016) | ຈຳນວນບ້ານ (ພະຈິກ 2016) | ຄວາມໜາແໜ້ນປະຊາກອນ (ພະຈິກ 2016) |
---|---|---|---|---|---|
ສາມເສນໃນ | Samsen Nai | 9.595 | 72,093 | 41,514 | 7,513.60 |
ທັງໝົດ | 9.595 | 72,093 | 41,514 | 7,513.60 |
ສະຖິຕິປະຊາກອນຕາມທະບຽນລາຊະດອນ ເຂດພະຍາໄທ | ||
---|---|---|
ປີ (ຄ.ສ.) | ປະຊາກອນ | ການເພີ່ມແລະການລົດ |
1992 | 196,977 | ບໍ່ຊາບ |
1993 | 192,005 | -4,972 |
1994 | 171,447 | -20,558 |
1995 | 108,728 | -62,719 |
1996 | 102,133 | -6,595 |
1997 | 93,296 | -8,837 |
1998 | 92,852 | -444 |
1999 | 91,616 | -1,236 |
2000 | 91,091 | -525 |
2001 | 90,780 | -311 |
2002 | 90,492 | -288 |
2003 | 90,557 | +65 |
2004 | 78,294 | -12,263 |
2005 | 77,232 | -1,062 |
2006 | 77,343 | +111 |
2007 | 77,202 | -141 |
2008 | 76,477 | -725 |
2009 | 75,493 | -984 |
2010 | 74,693 | -800 |
2011 | 73,553 | -1,140 |
2012 | 73,084 | -469 |
2013 | 72,495 | -789 |
2014 | 72,203 | -292 |
ຕາມທີ່ປາກົດໃນຄຳຂວັນຂອງເຂດ ເຂດພະຍາໄທມີສະຖານທີ່ລາຊະການ ໂດຍສະເພາທີ່ຕັ້ງໜ່ວຍທາງທະຫານແລະຕຳລວດຢູ່ຫຼາຍແຫ່ງ ມີສ່ວນລາຊະການພົນລະເຮືອນລະດັບກະຊວງຢູ່ 2 ກະຊວງ ນອກຈາກນັ້ນຍັງມີໜ່ວຍງານທີ່ກ່ຽວຂ້ອງກັບການສື່ສານແລະໂທຄົມມະນາຄົມນຳ ກ່າວຄື ກົມປະຊາສັມພັນ ສະຖານີວິທະຍຸໂທລະພາບກອງທັບບົກຊ່ອງ 5 ພິພິດທະພັນໄປສະນີ ແລະສຳນັກງານຄະນະກຳມະການກິດຈະການກະຈາຍສຽງກິດຈະການໂທລະພາບແລະກິດຈະການໂທຄົມມະນາຄົມແຫ່ງຊາດ ມີລະບົບລົດໄຟຟ້າຕັດຜ່ານໃນພື້ນທີ່ເຂດແລະມີຍ່ານສະພານຄວາຍ ເຊິ່ງແຕ່ເດີມເຄີຍມີສະພາບເປັນທົ່ງນາແລະຕະຫຼາດນັດຊື້ຂາຍໂຄກະບື ແຕ່ຕໍ່ເມື່ອບ້ານເມືອງຂະຫຍາຍຕົວຂຶ້ນກໍໄດ້ກາຍສະພາບເປັນແຫຼ່ງຊຸມຊົນໜາແໜ້ນ ມີອາຄານຮ້ານຄ້າ ຫ້າງສັບພະສິນຄ້າ ອາທິ ສີສຸພະລາຊະອາເຂດ ບ່ອນຕັ້ງຫ້າງເມີລີ້ຄິງສະພານຄວາຍ (ເລີກກິດຈະການໄປແລ້ວ) ແລະຫ້າງບິ໊ກຊີ ເປັນຕົ້ນ ສະຖານທີ່ສຳຄັນໃນເຂດນີ້ ມີອາທິ
ຖະໜົນ ສາຍຫຼັກໃນພື້ນທີ່ເຂດພະຍາໄທ ໄດ້ແກ່
ສ່ວນທາງສາຍຮອງແລະທາງລັດ ໄດ້ແກ່
ລະບົບຂົນສົ່ງມວນຊົນ
ລົດໄຟ
This article uses material from the Wikipedia ລາວ article ເຂດພະຍາໄທ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.