ວິສະວະກຳໂລຊີຊີແອນ (ຝຣັ່ງ: génie logiciel) ຫຼື ວິສະວະກຳຊອບແວ (ອັງກິດ: software engineering) ເປັນຂະແໜງນື່ງທີ່ກ່ຽວຂ້ອງກັບວິສະວະກຳດ້ານໂລຊີຊີແອນ (ພາສາອັງກິດເອີ້ນ ຊອບແວ) ແມ່ນການໃຊ້ຂະບວນການທາງວິສະວະກຳເບີ່ງແຍງດູແລ ການຜະລິດ ຕັ້ງແຕ່ການເລີ່ມເກັບຄວາມຕ້ອງການ, ການຕັ້ງເປົ້າໝາຍຂອງລະບົບ, ການອອກແບບ, ຂະບວນການພັດທະນາ, ການກວດສອບ, ການປະເມີນຜົນ, ການຕິດຕາມໂຄງການ, ການປະເມີນຕົ້ນທຶນ, ການຮັກສາຄວາມປອດໄພ ໄປຈົນຮອດການຄິດລາຄາ ໂລຊີຊີແອນເປັນຕົ້ນ.
ວິສະວະກຳໂລຊີຊີແອນປະຍຸກຄວາມຮູ້ແລະເຕັກໂນໂລຊີທາງດ້ານວິສະວະກຳສາດ ວິສະວະກຳອອກດີນາເຕີ ວິທະຍາການອອກດີນາເຕີ ການບໍລິຫານຈັດການຂໍ້ມູນຂ່າວສານ ການບໍລິຫານຈັດການໂຄງການ ແລະສາຂາອື່ນໆທີ່ກ່ຽວຂ້ອງເຂົ້ານຳກັນ ເພື່ອສ້າງໂລຊີຊີແອນທີ່ສາມາດປະຕິບັດວຽກຕາມເປົ້າຫມາຍ ພາຍໃຕ້ເງື່ອນໄຂທີ່ກຳນົດ.
ວິສະວະກຳໂລຊີຊີແອນເປັນຂະແໜງທີ່ມີຄວາມສຳຄັນເພີ່ມຂື້ນເລື້ອຍໆ ເນື່ອງຈາກວ່າໃນປະຈຸບັນ ໂລຊີຊີແອນມີຄວາມຊັບຊ້ອນເພີ່ມຂື້ນ ຈຶ່ງຈຳເປັນຕ້ອງມີວິສະວະກຳທີ່ຈະຄວບຄຸມແລະດຳເນີນການຜະລິດ ທີ່ມີປະສິດທິພາບ ສະມາດວັດຜົນໄດ້ ແລະສາມາດກວດຫາຂໍ້ຜິດພາດພ້ອມສາເຫດໄດ້ ຢ່າງສະດວກແລະວ່ອງໄວ ເພື່ອໃຫ້ສາມາດປັງປຸງແກ້ໄຂໂລຊີຊີແອນຕັ້ງແຕ່ຢູ່ໃນລະວ່າງການຜະລິດໄດ້.
This article uses material from the Wikipedia ລາວ article ວິສະວະກຳໂລຊີຊີແອນ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.