Inxeniería Del Software

Ente les sos xeres tan la xestión de proyeutos, el análisis y diseñu de programas d'ordenador, el estudiu del dominiu d'aplicación de que se trate, y munches otres coses.

Inxeniería del software
rama de la ingeniería (es) , especialidá, disciplina académica, especialidá y campu d'estudiu
ingeniería de sistemas (es) y Informática

Frecuentemente créese que facer aplicaciones informátiques ye cenciellamente l'equivalente de programar. En realidá, la programación pue ser una de les xeres menos importantes nun proyeutu; cuandu falamos d'un sistema informáticu nel que'l software ye namái qu'una parte, y sicasí esi software tien millones de línies de códigu fonte, y esi sistema tien que funcionar cumpliendo condiciones muy estrictes de rendimientu, o una organización entera enfótase nél pal so funcionamientu, el problema nun ye tanto escribir los programas en sí mesmos como xestionar tola complexidá del desendolcu y el mantenimientu. Anguaño, los sistemas informáticos nun son obres d'artesanía que un aficionáu pue facer; va munchos años que los sistemas informáticos tan ente los artefautos más complicaos manexaos pola humanidá. Un sistema de ciertu tamañu o importancia nun pue facese sin aplicar téuniques d'inxeniería.

Según l'IEEE, nel so estándar 610.12, la inxeniería del software ye:

1. La aplicación de un enfoque sistemáticu, disciplináu y medible al desendolcu, esplotación y mantenimientu del software, ye dicir, la aplicación de la inxeniería al software.
2. El estudiu de los enfoques nomaos nel puntu anterior.

• Guide to the SWEBOK. Guía al Cuerpu de Conocimientos sobre Inxeniería del Software (Software Engineering Body Of Knowledge) (n'inglés)
• Software Engineering Institute. Institutu d'Inxeniería del Software na Universidá Carnegie Mellon (n'inglés).
• International Software and Productivity Engineering Institute (INTSPEI)