ຊົນເຜົ່າ ລາວ

ເປັນກຸ່ມຊາຕິພັນເຊິ່ງເວົ້າພາສາລາວ ຫຼື ມີເຊື້ອຊາດລາວຕັ້ງແຕ່ສະໄໝອານາຈັກລ້ານຊ້າງ. ສ່ວນຫຼາຍອາໄສຢູ່ໃນປະເທດລາວ ແລະອາໄສກະຈັດກະຈາຍຢູ່ໃນປະເທດທົ່ວໂລກ. ຊົນເຜົ່າລາວສ່ວນຫຼາຍນັບຖືສາສະໜາພຸດ.

ຊາວລາວ

ລາວ
ປະຊາກອນທັງໝົດ
ປ. 4 ລ້ານຄົນ (ບໍ່ຮວມຊາວອີສານ)
ພູມິພາກທີມີປະຊາກອນຢ່າງສຳຄັນ
ລາວ      3,427,665
ໄທ	222,432 (ບໍ່ຮວມ ຄົນອີສານ) (2010)
ຝຣັ່ງ	200,000
ສະຫະລັດອາເມລິກາ	200,000 (2015)
ກຳປູເຈຍ	23,000
ແຄນນາດາ	24,580 (2016)
ມຽນມາ	17,000
ຫວຽດນາມ	17,532
ເຢຍລະມັນ	4,000
ພາສາ
ລາວ
ສາສະໜາ
ພຸດທະສາສະນິກະຊົນ, ສາສະໜາ​ພື້ນ​ເມືອງ​ລາວ
ກຸ່ມຊາດພັນທີກ່ຽວຂ້ອງ
ຊາວໄທອື່ນໆ (ເຊັ່ນ ຊາວໄທດຳ, ຊາວອີສານ, ຊາວໄຕ່ ແລະ ອື່ນໆ)

ຊົນເຜົ່າລາວໃນອະດີດໄດ້ຍ້າຍມາຈາກຂົງເຂດຈີນໃຕ້ໃນປັດຈຸບັນມາກໍ່ຮ່າງສ້າງໂຕໃນບໍລິເວນປະເທດລາວປັດຈຸບັນ. ຍັງມີຫຼາຍຄົນມີຄວາມເຊື່ອວ່າຊົນເຜົ່າລາວເປັນລຸກຫຼານຂອງຂຸນບໍລົມ. ພໍຍ້າຍມາອາໄສໃນບ່ອນນີ້ກໍໄດ້ມີການກໍຕັ້ງອານາຈັກລ້ານຊ້າງ ເຊິ່ງກໍໄດ້ພັດທະນາມາເປັນປະເທດລາວປັດຈຸບັນ.

ພາສາລາວແມ່ນພາສາໄຕພາສານຶ່ງ. ເປັນພາສາທີ່ມີວັນນະຍຸດ ຈັດຢູ່ໃນຕະກູນພາສາໄທ-ກະໄດ (Tai-Kadai languages). ຄຳສັບມີຮາກເຫງົ້າຈາກຫຼາຍບ່ອນ ເຊັ່ນ ພາສາລາວບູຮານ ຫຼືເອີ້ນວ່າ ພາສາໄຕ (Proto-Tai), ພາສາຂະເໝນບຸຮານ, ພາສາປາລີ-ສັນສະກິດ (ຜ່ານພຸດທະສາສະໜາ) ແລະໃນປັດຈຸບັນກໍມີຄຳສັບຈາກພາສາຝະລັ່ງ (ແຕ່ສະໄໝປະເທດລາວເປັນຫົວເມືອງຝະລັ່ງ) ແລະພາສາອັງກິດອີກນຳ.

ຊົນເຜົ່າລາວສ່ວນຫຼາຍແຕ່ປະຖົມບູຮານແມ່ນນັບຖືຜີ,ນັບຖືຜີສາງນາງໄມ້ປະສົມປະສານກັບສາສະໜາພຸດ.ເຊິ່ງເອີ້ນວ່າ ຜີປູ່ຍ່າຕາຍາຍ,ຜີເຮືອນ ຜີໄຮ່ຜີນາ ຕ່າງໆ ຫລັງຈາກອິທິພົນຂອງສາດສະໜາພຸດແຜ່ລາມລົງມາໃນອາຊີ ຄົນລາວຈື່ງເລີ້ມມີການເຊື້ອຖືສາດສະໜາພຸດນັບມືນັບຫລາຍຂື້ນ ຈົນເຖິ່ງປັດຈຸບັນຄົນລາວສ່ວນໃຫ່ຍແມ່ນຖືສາສະໜາພຸດເປັນຫຼັກ.

 

ປາແດກ, ຂ່າ, ຫົວສີໄຄ, ໝາກຂີ້ຫູດ ແມ່ນສ່ວນປະກອບທີ່ສຳຄັນໃນປຸງແຕ່ງອາຫານລາວ. ອາຫານລາວທີ່ມີຊື່ສຽງທີ່ສຸດແມ່ນ ລາບ ແລະ ຕຳໝາກຫຸ່ງ. ລາບ ເປັນອາຫານທີ່ມີການນຳຊີ້ນທີ່ຍັງດິບມາປະສົມເຂົ້າກັບເຄື່ອງເທດ, ສ່ວນ ຕຳໝາກຫຸ່ງ ເປັນອາຫານທີ່ນຳໝາກຫຸ່ງ ມາຕຳລົງພ້ອມໝາກເຜັດ ຜັກທຽມ ໝາກເລັ່ນ ໝາກນາວ ແລະອື່ນໆ.

ອາຫານລາວໄດ້ມີການພັດທະນາມາດົນນານ ພ້ອມກັບການຂະຫຍັບຂະຫຍາຍຂອງຊົນຊາດລາວທີ່ໄດ້ຍ້າຍໄປກໍ່ຮ່າງສ້າງໂຕໃນທ້ອງຖິ່ນຕ່າງໆ ໃນອາຊີຕາເວັນອອກສຽງໃຕ້. ອາຫານລາວມີອິດທິພົນຕໍ່ຊົນຊາດໃກ້ຄຽງ ເຊັ່ນ ໃນອາຫານໄທປັດຈຸບັນກໍໄດ້ມີອາຫານລາວເປັນສ່ວນປະກອບນຳ ເຊັ່ນ ລາບ ໂດຍມີການບໍລິໂພກໂດຍຄົນເຊື້ອສາຍລາວທີ່ຢູ່ໃນພາກຕາເວັນອອກສຽງເໜືອຂອງໄທ ແລະນອກຈາກນີ້ ລາບ ກໍໄດ້ມີການເຜີຍແພ່ໄປຮອດພາກກາງຂອງໄທ ເຊັ່ນ ບາງກອກ ຯລຯ ໂດຍມີການປຸງແຕ່ງທີ່ອາດຕ່າງຈາກລາບລາວແດ່. ໃນຂະນະດຽວກັນ ອາຫານລາວກໍໄດ້ຮັບອິດທິພົນຈາກຊົນຊາດລ້ອມຮອບຄືກັນ. ລາວໄດ້ຮັບວິທີການຂົ້ວ (ຈີນກາງ: 炒 chǎo) ແລະ ອາຫານຈຳພວກເຂົ້າເສັ້ນເຊັ່ນ ເຝີ ເຂົ້າຊອຍ ຈາກຊາວຈີນ ແລະ ຊາວຫວຽດນາມ (ເຊິ່ງກໍໄດ້ຮັບອິດທິພົນຈາກຊາວຈີນຄືກັນ). ນອກຈາກນີ້ ອາຫານຕາເວັນຕົກກໍໄດ້ມີສ່ວນຮ່ວມໃນພັດທະນາການຂອງອາຫານລາວຄືກັນ. ໝາກເຜັດເປັນສິ່ງນຶ່ງທີ່ຊາວປອກຕຸຍການໄດ້ນຳເຂົ້າມາໃນອະດີດ. ຕັ້ງແຕ່ປະເທດລາວເປັນຫົວເມືອງຂອງຝະລັ່ງກໍໄດ້ມີການບໍລິໂພກເຂົ້າຈີ້ ກະແລັມ ແວງ ເນີຍແຂງ ຯລຯ ແລະອາຫານຕາເວັນຕົກຫຼາຍຂຶ້ນ.

ເຄື່ອງດື່ມຫຼັກທີ່ນິຍົມຊົມຊື່ນໃນປະເທດລາວມັກຂຶ້ນຢູ່ກັບອາຍຸຂອງຜູ້ບໍລິໂພກ. ໄວລຸ້ນໜຸ່ມລາວນິຍົມດື່ມນ້ຳເຕົ້າຮູ້ ເຊິ່ງເປັນເຄື່ອງດື່ມທີ່ຜະລິດຈາກໝາກຖົ່ວເຫຼືອງ. ສ່ວນເຄື່ອງດື່ມມຶນເມົາທີ່ຂຶ້ນຊື່ລືຊາໃນປະເທດແມ່ນເບຍລາວ ເຊິ່ງເປັນເບຍທີ່ຜະລິດໃນປະເທດລາວ.

• Lao settlement patterns in the U.S. Archived 2005-03-26 at the Wayback Machine
• Reports on languages spoken in Laos and Thailand, from Ethnologue.com
• Thongchai Winichakul. Siam Mapped. University of Hawaii Press, 1984. ISBN 0-8248-1974-8
• Wyatt, David. Thailand: A Short History (2nd edition). Yale University Press, 2003. ISBN 0-300-08475-7
• Xaixana Champanakone "Lao Cooking and The Essence of Life". Vientiane Publishing 2010. ISBN 978-9932000012ແມ່ແບບ:Please check ISBN

• Lao Government Archived 2013-10-22 at the Wayback Machine
• Understanding Lao Culture Archived 2009-02-21 at the Wayback Machine
• Lao people/culture/issues