Spada De Pernik
La spada de Pernik l'è una spada medievala a dopia lama d'açal, retrovada ol 1 de jener del 1921, ind la forteza de Krakra, vexina a Pernik, in Bulgaria.
 | Quell articol qì l'è scrivud in Lombard, cond l'ortografia Scriver Lombard. |
L'è conservada ind el Museo Nazional de Arqeolojia de la Bulgaria a Sofia.
Descrizion
La spada l'è longa 96 cm e la largeza massima l'è de 4,5 cm. La g'ha un'iscrizion intarsiada d'arjent sœ la lama, qe la dix: +IHININIhVILPIDHINIhVILPN+.
Ipotesi sœ l'iscrizion
Ind el XII secol l'era propes cumun far di iscrizion sœ la lama di spade. De spess i è di espression incomprensibel, qi va dal quase ciar NNOMNEDMNa qei plœ distorts 00NINOMINED, OIEDOMINI, INNIOINNEDINI. G'è una tradizion academica qe la circa de interpretar-le come di abreviazion o contrazion, per esempe INPMPNC: I(n) n(omine) p(atris) M(ater) p(atris) n(ostri) C(hristi).
Mihailov l'ha proponid de lejer l'iscrizion de la spada de Pernik come: IHESUS. IN IHESUS NOMINE. IHESUS VIRGO. LAUS PATRIS IHESUS DOMINI HRISTUS. IN IHESUS VIRGO. LAUS PATRIS NOSTRIS.
Invece Dentschewa l'ha ipotizad qe l'iscrizion la fœss in longobard: IH INI NI hVIL PIDH, INI hVIL PN, qe la vœl dir: "Me speite mìa l'eternitaa, me soo l'eternitaa", con INI qe al saress un raforzativ qe l'è mìa possibel render ben ind la traduzion moderna.
Riferiments
Bibliografia
- Friedrich E. GRÜNZWEIG: Ein Schwert mit Inschrift aus Pernik (Bulgarien), Amsterdamer Beiträge zur älteren Germanistik 61 (2006).
- Dentschewa, Emilia: "Langobardische (?) Inschrift auf einem Schwert aus dem 8. Jahrhundert in bulgarischem Boden Arqiviad qé: [1] ". In: Beiträge zur Geschichte der deutschen Sprache und Literatur, Band 128 (2006) Heft 1, S. 1-11.
- Dentschewa, Emilia: "+IHININIhVILPIDHINIhVILPN+ oder die Botschaft eines Schwertes aus der Zeit des Königreichs der Langobarden (?)" In: Archaeologia Bulgarica IX (2005) Heft 2, S. 99-105.
Ligam de for
This article uses material from the Wikipedia Lumbaart article Spada de Pernik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.