Magnesio
| Chest artícol a l'è scricc in Lumbàrt, ortograféa orientàl unificàda. |
El magnézio l'è 'n elemènt chìmich enserìt endèla tàola periòdica dei elemèncc col sìmbol Mg. El g'ha nömer atòmich 12, che völ dì che 'l nùcleo de 'n àtom de magnezio el g'ha dùdes prutù. L'è un 'n metàl alcalì terùs de culùr bianch arzentàt, lezér e bastànsa dür. A taiàl, le superfìci nöe che vé 'n contàt co l'ària le se 'ntrübia 'n brizinì en póch tép.
L'è difìcil che 'l ciàpe föch quan che l'è stocàt en quantità grànde, ma quan che l'è rüdìt en nìstulìne o filamèncc el ciàpa föch piö facilmènt e 'l fà sö 'na fiàma biànca bèla lüminùza, difàti l'ìa dopràt ai albùr de la fotografìa a tüzo de "flash".
En natüra se 'l tróa mìa pùro ma sèmper en compòscc o 'n asociasiù a óter materiài. L'è chèl dei òt 'ntra i elemèncc chìmich che costetöés la grösta terèstre per abondànsa e l'è 'l tèrs 'ntra i minerài deleguàcc endel àiva del mar.
This article uses material from the Wikipedia Lumbaart article Magnesio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.