El Giuseppe Conte (Volturara Appula, 8 agost 1964) a l'è on giurista e politegh italian.
Giuseppe Conte | |
---|---|
President del Consili di Minister | |
Ol durar del mandad | 4 de settember 2019 – 13 de fevree 2021 |
Sucessor | Mario Draghi |
Coalizion | Moviment 5 Stell + Partii Democrategh + Liber e Inguai + Italia Viva |
Ol durar del mandad | 1 de giugn 2018 – 4 de settember 2019 |
Capo de Stat | Sergio Mattarella |
Vice prim minister | Luigi Di Maio e Matteo Salvini |
Predecessor | Paolo Gentiloni |
Lejisladure | XVIII |
Coalizion | Moviment 5 Stell + Liga |
Informazion jenerale | |
Partid politeg | Independent arènt al Moviment 5 Stell |
Titol de studi | Laurea in giurisprudenza |
Universitaa | Università La Sapienza |
Profession | Professor universitari |
Fioeu de Nicola (secretari comunal) e Liliana Roberti (maestra elementara) el se laurea in del 1988 a l'Università la Sapienza de Roma 'me civilista. Dal 1992 al 1993 a l'è sta borsista al CNR e dopo 'na quaj attività a l'ester in del 2000 el deventa professor sociaa e in del 2002 professor ordinari e l'ha insegnaa a Roma, Malta, Sassari per rivà a Fiorenza.
El 18 de settember 2013 l'è elegiuu de la Cambra di Deputaa 'me member del Consili de presidenza de la giustizia ministrativa e ne deventa vicepresident.
Per savenn pussee, varda i articoi Governo Conte I e Governo Conte II. |
El 27 de febrar 2018 a l'è nonziaa 'me Minister de la publega ministrazion del Luigi Di Maio in cas de vittoria del Moviment 5 Stell ai elezion politegh del 4 de marz 2018.
El 21 de magg 2018 a l'è parpognuu 'me President de 'n governo de accord in tra el Moviment 5 Stell e la Liga. El 23 de magg el President de la Republica Sergio Mattarella el ghe da l'incarich e lu l'accetta con riserva. El 27 de magg el remett el mandaa al Capo de Stat, dopo de 'na polemica in su la nomina a minister del Paolo Savona a l'economia, retegnuu del Mattarella tropp euroscettich per la campagna elettorala che l'ha parlaa no del tema.
El 31 de magg, dòpo de 'n incarich informal al Carlo Cottarelli, M5S e Lega troeuven on àlter accord e deciden de mett ancamò Conte 'me sò Premier, e l'è convocaa la sira al Quirinal. El ricev dònca l'incarich e 'l legg subit la lista di minister senza riserva e 'l ciappa la fiducia del Parlament in di dì dopo.
El 20 de agost del 2019 el se dimett dòpo de 'na crisi politega e 'n descor denanz al Senad indova che 'l tacca fortement el Matteo Salvini per avè portaa a la fin el governo, e 'l resta in carega per i affari corrent.
El 29 de agost el President Mattarella el ghe da l'incarich per on governo de coalizion in tra el Moviment 5 Stell e 'l Partii Democrategh.
El 4 de settember a l'è nomenaa ancamò President del Consili per 'sta coalizion e 'l giura el 5. El finiss el sò mandaa el 13 de fevree del 2021.
El gh'ha on fioeu, Nicolò, nassuu in del 2008, de la miee Valentina, de che l'è separaa.
A l'è assee devott al Pader Pio.
L'ha deciaraa de vèss staa elettor de la sinìstra prima de votà el Moviment 5 Stell e che, per lu, incoeu el gh'ha pu sens parlà de destra e sinistra ma che bisogna valutà i forz per el sò rappòrt cont i libertà fondamentai e 'l rispett di diritt.
A l'è a favor de 'na semplificazion legislativa e burocratica. L'è contrari a la reforma "Buona Scuola" del governo Renzi.
L'ha curaa i seguent volumm:
This article uses material from the Wikipedia Lumbaart article Giuseppe Conte, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.