Giorgio Moroder

Stüde ala scora d’ert da Urtijëi dal 1953 al 1959. Cun 15-16 agn ál imparé da suné la chitara y danter le 1959 y le 1966 ál rodé jö l’ Europa cun deplü grups musicai, danter chisc le The Happy Trio. Dal 1967 s’ál trasferì a Berlin y á colaboré cun so jorman Alex. Tl 1968 se dál jö cun le cianté musiga lesiera y tól sö deplü plates 45 giri. Tl 1970 vál a Minca daola che al mët sö so pröm stüde de registraziun: Arabella House (Musicland Studios).

Al á arjunt n suzes internazional tres colaboraziuns cun musizisć dër conescius sciöche Donna Summer, Three Dog Night, Munich Machine, Roberta Kelly (Zodiac), The Three Degrees (The Runner), i Sparks , Mr. Big , Daft Punk (Random Access Memories), Tony Bennett y Lady Gaga (I Can't Give You Anything but Love), i Coldplay (Midnight ), Kylie Minogue (Right Here, Right Now), Sia, Britney Spears, Charli XCX, Foxes y Mikky Ekko (Déjà vu ). D’atres produziuns dër conesciüdes: Ich Sprenge Alle Ketten, Son of my father, I Feel Love, Love to Love You Baby, From Here to Eternity, Love Kills.

Pesć internazionai: Oscar tl 1979 por le toch The Chase dal film Fuga di mezzanotte, Oscar por la ciantia miú dala musiga da film Flashdance... What a Feeling dal film Flashdance tl 1984, Pest Bambi (1984 y 1988), Oscar por la ciantia miú tl 1987 por Take My Breath Away dal film Top Gun, w:it:Grammy Awards 1998 por Carry On cun Donna Summer, World Soundtrack Lifetime Achievement Award tl 2011.

Al á scrit la musiga por i films American Gigolò y Scarface , che é gnüda surantuta por video jüc sciöche Grand Theft Auto III y Scarface: The World Is Yours. Tl 1984 ál scrit musiga rock por la nöia ediziun dl film Metropolis y la musiga por le film La storia infinita . Al á scrit la musiga por les Olimpiades de Los Angeles dl 1984, por i Jüc de Seul dl 1988, la ciantia To Be Number One por le campionat mondial de palé de Italia '90 y remixé por i Mondiai dl 2014 , la ciantia Forever Friends por les Olimpiades de Pechin tl 2008.

Tl 2005 él gnü nominé commendatore dal Presidënt dla Republica dla Talia Carlo Azeglio Ciampi . Tl 2010 ti é gnüda sorandada la medaia de mirit dala Provinzia autonoma da Balsan. Ai 12 d’agost dl 2016 ál fat n DJ set a Urtijëi y á scinché les 13 plates de platin davagnades cun Flashdance al Museum die Urtijëi.

•  
  Francisca Gutierrez, Donna Summer, Bruce Sudano y Giorgio Moroder te si cësa a Beverly Hills.
•  
  Giorgio Moroder - First Avenue Minneapolis -
•  
  Giorgio Moroder - First Avenue Minneapolis -
•  
  Giorgio Moroder al "Pitchfork Music Festival" ai 18 de lugio 2014 a Chicago, Illinois.
•  
  Giorgio Moroder al festival "Melt!" a Ferropolis/Deutschland 2015.
•  
  Giorgio Moroder al festival "Melt!" a Ferropolis/Deutschland 2015.
•  
  Giorgio Moroder al festival "Melt!" a Ferropolis/Deutschland 2015.
•  
  Giorgio Moroder cun si premies.
•  
  Giorgio Moroder cun si fëna Francisca Gutierrez a Urtije4i ai 13 de agost 2016.