Timboektoe
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
Timboektoe (Frans: Tombouctou) is 'n stad in Mali, en ouch de goufstad vanne gelieknamige regio. De stad ligk zón 13 km naordelik vanne Niger en haet 'n inwoondersaantal van zón 55.000 luuj.
In Timboektoe ligk de prestigieus Sankore-koranuniversiteit.
Timboektoe waas in 't vergangenen 'n wichtige hanjelsstad. De stad woort dinkelik innen twellefdjen ieëf gestif dore Toeareg es 'n plekplaats veure karavane vanne hanjel dore Sahara haer en verbónj de lenj ane waterkantj vanne Niger mitte Maghred. De wichtigste hanjel waas zaat, det naordelik vanne stad woort gewónnen in mienen en in Wès-Afrika verhanjeldj woort. Hiemit verworf de stad 'n groeate riekdóm. Doordet zie anen angerkantj vanne viejenjige Sahara loog, middenin anti-kristelik moslimgebied, woort de naam "Timboektoe" synoniem aan 'n wiedaafgelaenge, ónbereikbaar plaats.
Sieër 1988 steit Timboektoe oppe UNESCO-Werreldirfgoodlies.
This article uses material from the Wikipedia Limburgs article Timboektoe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.