Dit artikel is gesjreve (of begós) in 't Remunjs.
Laes hie wie v'r mit de versjillende saorte Limburgs ómgaon.
Seismologie is 'n óngerdeil van de aerdweitesjappe det zich besjeftig mit 't besjtudere, besjrieve en maete van aerdsjóddele, veural mit 't doel veursjpèllinge te kinne doon wen en wo dees sóms uters destructieve versjiensele zich zölle veurdoon.
Óndanks det de seismologie veural dankzij 't óntsjtaon van de theorie van de plaattektoniek e väöl baeter inzich haet verwórve in de percèsse die tót 't óntsjtaon van aerdsjóddele leie is 't nejkeurig veurspèlling daovan nag ummer lestig.
Toch is de weitesjap waal d'rin gesjlaag gebiede te localisere wo mit grote wersjienlikheid aerdsjóddele zeen te verwachte en is me in de arsjitektuur in sjtaot maotregele te numme veur de gevolge van aerdsjóddele te vermindere.
E veurnaam instrument van de seismologie is de seismomaeter of seismograaf, dae e seismogram maak. Hiemit kinne euveriges neet allein netuurlike, mer ouch sjoekke die zeen veroorzaak door de miens, wie 'n atoomexplosie, waere waorgenómme. 't Nètwirk van seismomaeters womit e groot deil van de aerd is bedèk, is ouch de veurnaamste brón van infermaasje euver d'n inwenjige struktuur van de planeet.
This article uses material from the Wikipedia Limburgs article Seismologie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.