Dit artikel is gesjreve (of begós) in 't Mestreechs.
Laes hie wie v'r mit de versjillende saorte Limburgs ómgaon.
Schengen is 'n gemeinte in 't Luxembörgs kanton Remich. Ze ligk op 't Dreilenpunt vaan Luxembörg, Fraankriek en Duitsland. In de res vaan Europa is 't dörpke veural bekind um 't Schengen-acquis: 'n serie aon euvereinkomste en oetveuringsbeslissinge, geteikend in 1985 tösse individueel Europese len, en later lidstaote vaan de Europese Unie (EU), euver de aofsjaffing vaan controles aon de interne sjraome (landsgrenze) vaan, wat later bekind zou staon es, de Schengenruimte. Schengen is oondertösse synoniem gewore veur de Schengenruimte: 't gebeed boe-in Europese börgers 't vrij stoon um te bewege en wèrke. Es celebratie vaan 't 25 jaor bestaon vaan 't Schengen-acquis, is 't Europees Museum vaan Schengen opgezat in 2010 in de Centre européen te Schengen.
Mèt 4812 inwoeners de 2018 is 't de 32e gemeinte vaan 't klein lendsje. Wat betröf häör oppervlaakte, 31,42 veerkante kilometer, is 't de 24ste gemeinte. Ze heet 'n inwoenersdeechte vaan 150 de veerkante kilometer (de 47ste gemeinte vaan Luxembörg wat dat betröf).
't Dörp heet ziene naom te daanke aon 't Schengenkasteel, wat aon de rand vaan de gemeinte ligk.
This article uses material from the Wikipedia Limburgs article Schengen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.