Volk Navajo

Laes hie wie v'r mit de versjillende saorte Limburgs ómgaon.

De Navajo (Navajo: Diné of Naabeehó) is 'n inheims, Indiaans volk det taengeweurdig laef in de Amerikaanse sjtaote Arizona, Colorado, Nuuj-Mexico en Utah. Op de Cherokee nao vörme zie de grótste groep Indiane van Naord-Amerika.

Zoget de helf van de Navajo's verblief in e groot rizzervaat (natie) det zich oetsjtrèk euver de hiebaove geneumde sjtaote. Zowaal kwa oppervlakde es kwa inweunersaantal is dit 't grótste indianerizzervaat van de Vereinigde Sjtaote. Ónger de natie vilt ouch de bekinde Four Corners, 't puntj wo de veer geneumde sjtaote allemaol aanein grenze.

De Navajo's kalle nag 't Navajo es modertaal. Same mit 't Tlingit en e deil anger klein tale valle dees ónger de Na-Denétale, ein van de primair taalfemilies van de waereld. Naeve 't Navajo kalle de meiste Navajo-indiane ouch 't Ingels.

De sjtaote mit 't grótste aantal Navajo zeen Arizona (140.000) en Nuuj-Mexico (110.000).