Mofert: Wikimedia-verdudelikingspazjena

Laes hie wie v'r mit de versjillende saorte Limburgs ómgaon.

Mit Mofert kónne versjillende dinger bedoeldj waere.

• De stad Mofert. 'n Stad in de Nederlandse provincie Limburg.
• 't Kestieël Mofert. 'n Kestieël dunbie de stad Mofert.
• De Hieërlikheid Mofert. 'n Hieërlikheid in de middelieëwe. (?-1277)
• 't Amb Mofert. 'n Bestuursdistrik in 't Euverkwarteer van Gelder. (1277-1794)
• De gemèndje Amb Mofert. Veurmalige gemèndje in de Nederlandse provincie Limburg.(1994 t/m 2006)

De naam Mofert kump in versjillende variaties veur. Vreuger nome de luuj 't bliekbaar neet zoea nej mitte spelling van plaatsname. Anger variaties vanne plaatsnaam Mofert zeen: Montfort (de hujige Nederlandjse naam van Mofert), Monfort, Monford, Moford, Monfoird, Monffoirt en Montfoort. De spelling Mofert kump in middelieëwse documente neet veur en duuk pas in 1906 op. In vastelaovesgezèt "Den Uul van den Grauwert" van det jaor wuuertj veur 't ieës Mofert gesjreve.

Verklaoringe

D'r zeen versjillende verklaoringe veur de naam te gaeve. Bei theorieje kónne ouch de naam van de stad Montfoort inne provincie Utrecht verklaore.

Montfort

De naam Montfort kan 'n sametrèkking zeen van Mons Fortis, waat letterlijk sterke berg of versterkte berg beteikendj. Montfort waas in de tied det Kestieël Mofert geboewd waerde 'ne mode-naam veur kestieële. In Frankriek ligke nag gans get kestieële en plaatse mit dezelfde naam. Mont kan behalve berg ouch de beteikenis van 'n burch höbbe. Dan zów Montfort beteikene sterke burch.

Montfoort

'n Anger theorie is mieë gebaseerdj op Montfoort, wobie foort of voort 'n doorwaadbare plaats in 'n rivier beteikentj. Tösse Kestieël Mofert en de stad Mofert zów 'n doorwaadbaar plaats mótte zeen gewaes in 't Vlaot. Montfoort zów dan de berg bie de voorde of de burch bie de voorde kónne beteikene.

 Dit is 'n verdudelikingspazjena.