Lóchpiep
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
De lóchpiep, lóchreur of trachea is 'n buusvörmige verbinjing tösse de stumbenj inne sträöt (larynx) enne carina (de vertakking vanne lóchreur inne rechse en linkse houfbronchus). Dore lóchpiep struimp lóch nao de bronchi en nao de lóngbläöskes inne lónge, wo gaasoetwusseling mitte bloodsómloup plaatsvindj.
Bie vólwassene is de lóchreur 10 à 11 centimaeter lank. De doorsnit vanne lóchreur is D-vörmig. Dit kump door C-vörmige kraakbeinstructure die de lóchreur aophaje. d'n Aafstandj tösse de ringe is zoeaget 0,5 centimaeter. Bie 'n gekrenkdje wie tracheomalacie zeen dees kraakbeinringe slapper es normaal of drök 'n anger structuur wie e bloodvaat 't kraakbein vanne lóchreur nao binne en klap dees toe tiejes (mit naam) 't aome, mit benäödjheid toet gevolg.
De lóchreur is beklèdj mit klein häörkes (cilia) die dene t'r besjurming. Dees häörkes zeen hieël geveulig. Wen e veurwirp inne lóchreur terechkump, wuuertj drek e signaal nao 't herre gesjik, wonao de lóchreur wuuertj gezuverdj door te hooste.
Tracheïtis is 'n óntstaeking vanne lóchreur.
Zuuch ouch
This article uses material from the Wikipedia Limburgs article Lóchpiep, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.