Kibboets

Laes hie wie v'r mit de versjillende saorte Limburgs ómgaon.

'ne Kibboets (Ivriet: קיבוץ) is 'n collectief gemeensjap in Israel. D'r ieësjte kibboets woeëd ópgerich in 1910 durch jüdde oet Oeës-Europa i g'n lanksjtreek Palestina. Tupisj vuur dees kolonies woar de toepassing van socialistisje en democratisje principes. Zoeë woar in de ieësjte kibboetzim alles gezamelig bezit. Alle luuj woeëde geliek behandeld, wat zich uutde in 't feit dat zoeëwaal vrowwe es manne werkde in agrarisje bedriefkes die bei de kibboetzim hoeëde. De kolonies woare wiejer collectief i sociaal ópzich. Ooch eëte deeg me beivuurbild same en kinger woeëde opgevoed i kingerhoezer, neet i gezinne.

In Israel gieëf 't óngevier 270 kibboetzim en i totaal woeëne doe mieë es 100.000 luuj. Seër de letste decennia nump 't aantal iwuuenesj in dees nederzettinge aaf en ze hant e minder sjterk collectief karakter es vreuger.

• Kolchoze en sovchoze, collectief boerderieje i g'n vuurmalige Sovjet-Unie