Ibiza
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
Ibiza (meis oetgespraoken es Ibiedza op 't plat; Catalaans: Eivissa) is e Spaans eilandj inne Middellandjse Zieë. 't Haet 'n oppervlakdje van 575 km². Same mit 't zujeliker gelaenge Formentera vörmp 't de Pitiuse, die deil oetmake vanne Baleare. De grótste stej op 't eilandj zeen Ibiza-stad, Sant Antoni de Portmany en Santa Eulària des Riu.
De ieëste miensjelike beweuning geit trögk toet róndj 5000 v.Chr., meh de gesjreve gesjiechte vingk pas aan mitte Feniciërs, die hie inne zevendjen ieëf veur Christus 'n klonie oprichdje. Daonao kwaam 't eilandj nag in henj van Carthago, 't Romeins Riek, de Germaanse Vandale, 't Byzantiens Riek enne islamitische More. In 1110 woort 't eilandj bevriedj dore Noorse keuning Sigurd I en op 8 augustus 1235 kwaam 't eilandj in Spaanse henj doe Jacobus I van Aragón 't eilandj vereuverdje.
Allewiel is 't eilandj veural 'n populair verkansjebestumming veur jóngere, die dao deilnummen aan 't drökke nachlaeve.
This article uses material from the Wikipedia Limburgs article Ibiza, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.