Navigatiesysteem Galileo
Dit artikel is gesjreve (of begós) in 't Mestreechs.
Laes hie wie v'r mit de versjillende saorte Limburgs ómgaon.
Galileo is de naom vaan 't navigatiesysteem dat weurt oontwikkeld door de Europese Unie (EU) en de Europese Ruimtevaartorganisatie (ESA). 't Is de Europese tegehanger vaan 't Amerikaanse systeem Global Positioning System (GPS) en 't Russische GLONASS. 't Is 't groetste Europees ruimtevaartprojek tot noe touw en geit zoe'n 3,4 miljard euro koste. In dee pries zitte 30 satelliete (boevaan 3 reserve) en de benudegde groondapparatuur.
De reie veur 'n eige systeem is de oonaofhenkelekheid vaan de militaire systeme GPS en GLONASS. In tije vaan oorlog zouw beveurbeeld de Amerikaanse euverheid kinne bepaole tot civiel gebruuk vaan GPS beperk weurt (beveurbeeld tot de nauwkeuregheid verminderd weurt). GLONASS is daobij op dit momint neet volledeg in gebruuk. Galileo zal daan ouch 'n puur civiel navigatiesysteem weure. De nauwkeuregheid zal in 't millimeterbereik ligke, en gebrukers kinne via hun toestel ouch noedsignale verzende. Daoneve zal door de groete dèkkingsgraod vaan de satelliete ouch de mier noordelek gelege len (beveurbeeld de Scandinavische len) beter gebruuk vaan 't systeem kinne make.
De ierste twie operationele satelliete weure gelanceerd begin 2011. Nao verwachting is 't systeem klaor in 2013.
This article uses material from the Wikipedia Limburgs article Galileo (navigatiesysteem), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.