Nuigrieks
Dit artikel is gesjreve (of begós) in 't Mestreechs.
Laes hie wie v'r mit de versjillende saorte Limburgs ómgaon.
| Nuigrieks | ||
|---|---|---|
| Inheimse name: | νέα ελληνική | |
| Gekald in: | Griekeland, Cyprus Minderheidstaol in: Albanië, Italië, Turkije, VS, Oekraïne, Roemenië, Armenië, Hongarije | |
| Classificatie: | Indo-Europees Helleens Attisch-Ionisch Modern Grieks | |
| Aantal sjpraekers: | 12 miljoen | |
| Cónservatiegraod: | neet bedreig | |
| Officieel taal: | in Griekeland, Cyprus | |
| ISO-639-code: | el, ell | |
't Nuigrieks (νέα ελληνική, néa elliniká of νεοελληνική, neoellinikí) is de taol vaan 't modern Griekeland en 'n veurzètting vaan de Koinè en 't Middelgrieks (zuug Aajdgrieks). Miestal liet me de historie vaan 't Nuigrieks nao de val vaan 't Byzantijns Riek beginne. 't Grieks weurt allewijl door zoe'n 12 miljoen lui gesproke; boete Griekeland zien dat ouch nog de bewoeners vaan (Grieks) Cyprus en inkel gemeinsjappe in Turkije en Italië en väöl arbeidsimmigrante in Wes-Europa. Tot veur kort bestoonte twie variante in 'n diglossie nevenein: Katharevousa (καθαρεύουσα, "zuver taol", Aajdgrieks op z'n Nuigrieks oetgesproke) en Dimotiki (δημοτική "volkstaol"); allewijl is de Dimotiki ouch de basis vaan de sjrieftaol, umtot 't versjèl tösse 't Klassiek Grieks en de volkstaol toch te groet waor. Zoe had de Katharevousa twie naomvalle die de Dimitoki gaaroet neet kint.
't Grieks weurt ummer in 't Grieks sjrif gesjreve.
't Tsakonisch en 't Griko (in Italië) kinne es zöstertaole vaan 't Nuigrieks weure gezeen, allewel tot ze ouch wel es dialekte gelle. Zuug ouch Helleense taole.
Extern linke
This article uses material from the Wikipedia Limburgs article Nuigrieks, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.