Barbaratak

Laes hie wie v'r mit de versjillende saorte Limburgs ómgaon.

'ne Barbaratak is 'ne tak van 'n kweepaer (Cydonia oblonga), forsythia, appel-, paere-, kasjtangele-, kaeërsje-, of proemeboom, mae ooch van 'ne hazelnaoëte- of häölentersjtroek, dae op 4 december aafgesjnae wert van d'r boom of sjtroek en vervolges in 'ne vaas gezat wert è g'n hoes. Roond Kaeërsjmès bleujt dae tak blome en dat zów geluk brènge vör 't kaomende jaor.

Dit aod gebruuk is nog laevendig in Moontse, Gulpe en Zitterd. In Gelaen wert tiedens de jaorlekse Barbaravering bie 't Barbaramonumaent in 't Mauritspark nao aafloop 'ne Barbaratak van 'ne forsythia oetgedeeld. D'r zeunt gesjraeve bronne van dit gebruuk saer d'r 13de ieëw en d'r Barbaratak wert bezieë es 'ne opvolger van de Germaanse orakelgebruke en 'ne väörloper van d'r kaeërsjboom.

Ooch H. Welters neumt in z'n book Feesten, zeden, gebruiken en spreekwoorden d'r Barbaratak op pag. 10. Op Sint-Barbara'sdag, den 4 December, snijdt men de zoo-genaamde Barbaratakken, die op Kerstmis, den dag waarop het takje uit den wortel van Jesse ontsproot, zullen bloeien. De h. Barbara leefde in den ruwsten winter des Heidendoms en der vervolging.