Baolder

Dit artikel is gesjreve in 't Zaerems. Ómdat 't plaatsgebónge is, maogs doe 't ómzètte nao 't Baolders, es te dit dialek sjpriks.

De naam is in 't verleje op verschillende wieze geschraeve en gebroekt. We kómme de naam taege as Barlo, Barle en Baerlo. De naam is aafgeleid van Ba(a)r (kaal, nèks) en lo (plats in 'n bosrieke umgaeving). De kale plats is ongetwiefeld de plats waor de kèrk now stieët. Deze ligt dudelik op 'n verhoeëgd terrein t.o.v. de umgaeving (de kèrkberg). Vruuj hebbe minse zich heej gevestigd umdet ze heej as jaeger en veehaojende nomade vónge wat ze nudig hajje, väöl bos waor väöl wild waar. De Maijem leverde veur vis en broed, veural in de winter as groete stökker land ónger stónge, 'n veilig gebied.

Oak de Romeine zien heej gewest. Dit zeen we nog trug in de grónk. Beej de pastoer Genestraot en de vonds van de goude en zilvere munte in de buurt van de Mert in 1830. Warschienlik het op di'n plats waor nou kastiel d'Erp ligt, 'n verdedigbare oetkiektore gestaon.

Wannieër we kieke naor de geschreve geschiedenis van Baolder is 't veur 't erst vermeld in de oorkonde van 1219, waorbeej de hove Monnikiënhof te Baolder en 'n flink stuk grónk aan de abdie van Mariënweerd (in de buurt van Tiel) woort geschonke.

Tot 1 januari 2010 huuërde Baolder beej de gemènt Bree (Maasbree).

• Sjiwa

Gemeinte Pieël en Maas
Dörper: Baolder · Beringe · Bree · Echel · Eik · De Grashook · Helje · Kepèl · Kessel · Kunningslus · Mael
Gehuchte en naobersjappe: Belgenhoek · Oijen · 't Rooth · Rogkelsendiek · Siberië · Witdónk · De Zele