Achterhook
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
d'n Achterhook is 'n streek inne pervinsje Gelderlandj en besleitj 't gebied tösse d'n Iessel, de Rien enne Duutsje grens. 't Gebied kump euverein mit 't veurmaolig Graofsjap Zutfe. De Liemers wuuertj aevel ouch waal toeten Achterhook geraekendj.
De naam besteitj al langen tied, meh woort gebroek veur e klein deil van waat saere midde vanne neugetieëndjen ieëf d'n Achterhook hètj.
De bewoeaners van 't gebied laeve van oearspróng veural vanne landjboew. Allewiel wuuertj ouch väöl geldj verdeendj mit 't toerisme. Väöl inwoeaners vannen Achterhook spraeke nag häör eige streektaal, 't Achterhooks.
De grótter plaatse in 't gebied zeen Zutfe, Wintjerswiek en Doetinchem. Anger plaatsen in 't gebied zeen: Aalten, Borculo, Bredevoort, Dinxperlo, Doesburg, Doetinchem, Eibergen, Gendringen, Groenlo, Lichtenvoorde, Lochem, Neede, Ruurlo, Varsseveld, Vorden, Zeddam, Zelhem en Zevenaar.
This article uses material from the Wikipedia Limburgs article Achterhook, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.