Pisea

Piseas es arbores grande, de sirca 20-60 m cuando matur. Los pote es distinguida de otra membros de la familia par sua agos (folias), cual ave cuatro lados, e par sua conos, cual no ave brateas protendeda e pende a su pos poleni.

An si la pisea es afetable par dejenera e insetos, los pote ateni edas grande. En Sveria, los ia trova un pisea norsce, con la nometa Tjikko vea, cual ia ateni un eda de 9550 anios, e es alegada como la arbor vivente la plu vea en la mundo.

Piseas es usosa como un lenio per construi, de construi jeneral e caxones a usos multe spesialida en aviones de lenio. La avion prima de la frates Wright, la "Flyer" (la volante), ia es construida de pisea. La avion enorme de Howard Hughes ia ave la nometa la "Spruce Goose" (la ganso de pisea).

Pisea es un de la lenios la plu importante per paper, car lo ave fibres longa de lenio ci lia con lunlotra per deveni paper forte. La fibres ave mures magra cual colasa a bandas magra cuando secida. Piseas es cultivada tra areas vasta per sua usas como pulpa per paper e otra cosas.