Nimfa De Acua
En mitolojia elinica, la nimfas de acua (elinica: Νηρηΐδες Nereides, sg.
Νηρηΐς Nereis) ia es la 50 fias de Nereo e Doris. Los ia acompania comun Poseidon, la dio de la mar, e ua pote es amin e aidosa a marinores.
Mitolojia
Los ia es spesial relatada con la Mar Ejeo do los ia vive con sua padre Nereo en un palasio de oro en la profonda. La plu notables es Tetis, sposa de Peleo e madre de Acile; Amfitrite, sposa de Poseidon; e Galatea, la amor de Polifemo.
Los ia simboli tota cual es bela e amable en relata con la mar. Sua voses melodiosa ia canta en cuando los ia dansa sirca sua padre. Los es representada como xicas multe bela, coronida con ramos de coral roja, vestida en robas de seda blanca, decorada con oro, e con pedes nuda. Los ia es la atendores de Poseidon e ia porta sua tridente.
This article uses material from the Wikipedia Lingua franca nova article Nimfa de acua, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.