Jua De La Amazonas
La Jua de la Amazonas (o, per corta, Amazonas) es un jua de table stratejial entre du juores, cual ia es inventada en 1988 par la arjentinan Walter Zamkauskas.
Lo parteni a la familia de juas teritorial, como Go. La jua ("El Juego de las Amazonas"/"The Game of the Amazons") es un marca comersial enscriveda par Ediciones de Mente.
Ambos juores ave cuatro pesos, clamada amazonas, cual los move supra un table de 10x10 cuadretas. Cada move es composada de du partes: Un amazona move como un dama en xace, vertical, orizonal o diagonal a cualce distantia, ma lo no pote prende otra pesos; A pos, la amazona lansa un flexa imajinal, cual pote vade en la mesma modo como un amazona, e la juor pone un bloco a la cuadreta la juor ia eleje. La blocos sta a sua locas asta la fini de la jua, e restrinje la moves de la amazonas de ambos juores. Cada juor compete per ave plu posibles de move per sua amazonas ca la oposor. La juor ci no pote move plu perde la jua.
A causa de la multe posibles de move (plu ca 2000 en la move prima) la Jua de la Amazonas es vera complicada. Asta aora no teoria esiste per la moves de comensa.
Tu pote jua esta jua en alga locas a la interede:
This article uses material from the Wikipedia Lingua franca nova article Jua de la Amazonas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.