Utah
Utah (pronunsiada iuta) es un stato en la Statos Unida de America.
| |||
 | |||
La site capital es Salt Lake Site ("la site de la lago salin").
Istoria
Du tribus de americanes orijinal - la anasazis e la fremontes - ia vive en la area de Utah ante la ariva prima de la europeanes. La navahos ia ariva en la area en la sentenio 16.
La area sude de Utah ia es esplorada par la espanioles en 1540, gidada par Francisco Vázquez de Coronado ci ia xerca per la "sete sites de oro" Cibola.
La prima euro-americanes ci ia ariva a la area ia es la mormonistes. La mormonistes ia es membros de la Eglesa de Jesus Cristo de la Santas de la Dias Ultima. Esta eglesa ia es instituida en 1830, prosima a Fayette, New York, par Joseph Smith Jr.. Pos la asasina de Smith en 1844, Brigham Young ia deveni la gidor de la majoria de la mormonistes. Per causa de la persegue relijiosa, la mormonistes ia comensa move de un loca a un otra, xercante tolera relijiosa, e ia pasa tra Ohio, Illinois e Missouri, do la persegue ia continua. En 1847, Young e sua mision ia ariva a la Lago Salin Grande, do los ia coloni. Un anio plu tarda, en 1848, par la Trata de Guadalupe-Hidalgo, la Statos Unida de America ia ajunta Utah pos gania la Gera Mexican-American.
La plu parte de la popla de Utah es mormoniste.
This article uses material from the Wikipedia Lingua franca nova article Utah, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.