Хаби Алонсо: испаниядин футболист

Ада пуд дуьньядин чемпионатдани (2006, 2010, 2014) пуд Европадин чемпионатда (2004, 2008, 2012) иштираквал авуна.

Хаби Алонсо
Хабьер Алонсо Олано
Хаби Алонсо 2017 йисуз «Бавариядин» тренировкадал
Малумат
Тамам тӀвар	Хабьер Алонсо Олано
Дидедиз хьайи чӀав	1981 йисан 25 ноябрь(1981-11-25) (42 йисан) Толоса
Гьукумат	Испания
Буй	183 см
Позиция	зур хуьдайди
Клубдикай малумат
Клуб	Реал Сосьедад B
Кьуллугъ	кьилин тренер
Жегьилрин клубар 1995—1997 Антигуоко   1997—1998 Келлс   1998—1999 Реал Сосьедад   Клубдин карьера 1999—2004 Реал Сосьедад 116 (9) 1999—2000 →  Реал Сосьедад B 39 (2) 2000—2001 →  Эйбар 14 (0) 2004—2009 Ливерпуль 142 (15) 2009—2014 Реал Мадрид 158 (4) 2014—2017 Бавария 79 (5) Милли кӀватӀи команда 2000 Испания (18 кьван) 1 (0) 2002—2003 Испания (21 кьван) 9 (0) 2003—2014 Испания 114 (16) Тренердин карьера 2018—2019 Реал Мадрид (14 кьван) тренер 2019—иниз Реал Сосьедад B
Халкьарин арадин медалар
Дуьньядин чемпионатар Къизил КьАР 2010 Конфедерацийрин кубокар Кишпир КьАР 2009 Европадин чемпионатар Къизил Австрия/Швейцария 2008 Къизил Польша/Украина 2012
Викигьамбарда авай шикилар

«Реал Сосьедад»

«Ливерпуль»

2004-лагьай йисан 20-лагьай августдиз Хаби Алонсо «Ливерпулдин» къугъвадайди хьана. Алонсо Ливерпулдиз «Барселонадай» тир Луис Гарсиядихъ галаз санал атана, абурун элячӀун «Энфилдал» цӀийи девирдин сифте кьил кутунин символ яз хьана. «Ливерпулдин» цӀийи тренер Рафаэль Бенитесди, вичин хсуси тренервилин стил ва командадин тактика хкяна, клуб цӀийикӀа туькӀуьриз ва командадин къугъун михьиз масакӀа туькӀуьриз алахъзвай тир. Премьер-лигада Хаби Алонсодин дебют 29-лагьай августдиз «Рибок Стэдиумдал» «Болтон Уондерерсдиз» акси къугъуна хьана. «Ливерпул» кумукьна 0:1. Англияда ада вичин садлагьай гол 16-лагьай октябрдиз «жермедай» «Фулхэмдин» варариз яна, ара атӀай вахт жедалди «Ливерпул» кумукьзвай тир 2:0, амма Алонсо никӀел экъечӀдайлай кьулухъ мерсисайдвийривай къугъунин фин «хаз» хьанвай тир, эхирдай абуру винел пад къачуна 4:2.

2005-лагьай йисан 1-лагьай январдиз «Челсидай» тир Фрэнк Лэмпарддихъ галукьунин нетижада кӀегьеб хана, ам къугъунай 3 вацраз акъатна. Хаби Алонсо Чемпионрин лигадин кар къетӀъ ийидай матчар жедайла хтана, травмадин гъиляй «Ливерпулдин» капитан Стивен Джеррардивай къугъваз тежедайла ада командадиз куьмекна. «Миландиз» акси тир финалдин матчда Алонсоди гьисабун барабар авуна, пеналтийрин сериядин эхирдай «Ливерпулди» винел пад къачуна. Гъалибвили ам пара шадарна, Алонсо ахпа лагьана: «Им зи пешекарвилин карьерада квайни-квай момент я».

«Реал Мадрид»

«Бавария»

2014-лагьай йисан 29-лагьай августдиз Хаби Алонсо «Бавариядиз» элячӀна, Германиядин чемпионди адахъ "Реал Мадриддиз" 10 миллион евро гана. Ада кьве йисан контракт кхьена. ЦӀийи клубда адаз "3" нумра алай футболка гьатна. 30-лагьай августдиз ада «Шальке 04»-диз акси тир матчда муьнхенвийрин патал дебют авуна. 2014-лагьай йисан 18-лагьай октябрдиз ада цӀийи клубдин патал садлагьай гол яна - «Вердердиз» жермедай яна. 2015-лагьай йисан гатуз Клаудио Писарро хъфейдалай кьулухъ ада "3-далай" "14-диз" нумра дегишарна. 2017-лагьай йисан Хаби Алонсоди вичин карьера куьтягьна, ада вичиз тренер жез кӀан хьуникай малуматарна.

Испаниядин патал Хаби Алонсодин дебют 2003-лагьай йисан 30-лагьай апрелдиз хьана, дуствилин матчда Испанияди Эквадор кӀаник кутуна 4:0. Травмадин гъиляй адан официал къугъунра адан дебют кьулухъ вигьизвай тир, гьавиляй ада хкягъунин турнирдин са шумуд матч ахъайна. Садлагьай официал матч ам 2003-лагьай йисан 10-лагьай сентябрдиз Евро-2004-диз хкягъунин турнирда Украинадиз акси къугъвана (2:1), никӀел ада вири 90 минут тухвана.

Евро-2004 турнирдал Алонсо Урусатдихъ галаз къугъвазвай матчда 1:0 гьисаб ала чӀавуз дегишарна. Португалиядиз акси ам вири 90 минут къугъвана, адан команда 0:1 кумукьна. Эхирдай испанривай группайрин дережадилай вилик физ алакьнач.

Германияда тухванвай дуьньядин чемпионатдал Хаби Алонсоди 2006-лагьай йисан 14-лагьай июндиз Украинадин варариз Испаниядин кӀватӀурдин гол яна (матчдин эхир 4:0), ам гьа турнирдал Испаниядин садлагьай гол тир, гьакӀни ам Хаби Алонсоди кӀватӀурдин футболка алаз садлагьай янвай гол тир. Агалкьунралди группайрин дережа алатна фенватӀани (Испанияди вири матчар гъалибна), 1/8 финалдин дережадал абур къвезмай финалистар франкри акъудна.

Испанияди агалкьунралди винел пад къачунвай Евро-2008-дин группайрин эхиримжи тир Грециядиз акси къугъванвай матчда Хаби Алонсоди вичин кӀватӀур капитан яз никӀел акъудна. Ам матчдин квайни-квай къугъвадайди хьиз тестикьарна. Баскди ругуд къугъуникай кьуда иштираквал авуна. 1964-лагьай йисалай гатӀумна Пиренейвияр садлагьай сеферда Европадин чемпионар хьана.

2010 йисан Дуьньядин чемпионатдал Хаби Алонсоди вири матчра иштираквал авуна, ам Серхио Бускетсдихъни Хавидихъ галаз санал никӀин юкьва къугъвана. Ада Испаниядин кӀватӀурдиз садлагьай Дуьньядин кубок къачуз куьмекна.

Евро-2012-дал Хаби Алонсо кӀватӀурдин футболка алаз 100-лагьай матч къугъвана — ¼-финалда Франциядиз акси тир матчда ада кьве гол яна Испаниядиз гъалибвал гъана.

2014 йисан Дуьньядин чемпионат эгечӀдалди Хаби Алонсоди турнир куьтягьайла кьулухъ Испаниядин кӀватӀурдин патал иштираквал авун акьалтӀаруникай малумарна. Группайрин дережадин ада садлагьай матчда — Нидерландриз акси тир къугъуна — «гьисаб» ахъайна, амма эхирдай Испания кумукьна — 1:5.

Вири санал къачурла Хаби Алонсо вичин уьлкведин кӀватӀурдин патал 114 матч къугъвана, ада 16 гол яна. Испаниядин ибаратдик кваз ада кьве Европадин чемпионат (2008, 2012), дуьньядин чемпионат (2010) гъалибна, гьакӀни ам Конфедерацийрин кубокдин кишпирдин призер хьана (2009).