Transitus Boreoccidentalis
Transitus Boreoccidentalis est cursus marinus, quo naves ex Oceano Atlantico in Pacificum circum Americam Borealem per aquas Oceani Arctici navigare possunt.
Alter cursus possibilis est per canalem Panamensem, vel circum Americam Australem et Hornanum Caput; cursus marinus circum Eurasiam transitus Boreorientalis nominatur.
Sensu strictiore transitus Boreoccidentalis est iter trans archipelagum Arcticum Canadensem, quod nautae diu quaerebant; nam perplexi sunt archipelagi Arctici sinus et freta, et aquae Oceani Arctici a glacie continua vix paucis mensibus vacua sunt, sed et his mensibus glacies natantes navibus pericula magna afficiunt. Litora in regione Arctica nautis commeatum minimum vel nullum praebent; etiam ligna ad naves reficiendas, nisi ab undis allata, in tundra et deserto Arctico absunt. Qua de causa, cm transitus a saeculo XVI quaerebatur, solum Rodoaldus Amundsen annis 1903-1906 per transitum Boreoccidentalem totum navigavit.
Notae
Nexus interni
Nexus externi
- Transitus Boreoccidentalis in Encyclopaedia Canadensi (Anglice)
- Day, Alan (2006). Historical Dictionary of the Discovery and Exploration of the Northwest Passage
This article uses material from the Wikipedia Latina article Transitus Boreoccidentalis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.