Cave: notitiae huius paginae nec praescriptiones nec consilia medica sunt.
SARS-CoV-2 aut 2019-nCoV, anni 2019 coronavirus novum sive coronarium virus novum sive coronarium virus syndromatis respiratorii acuti gravis 2 est virus biologicum, unum ex duobus sarbecoviris generis Betacoronavirorum, materia genetica ARN munitum atque monocatenarium sensu positivo ((+)ssRNA), ex fere 29 900 nucleotidis (29.9 kB) compositum.
Variantes typi SARS-CoV-2 geneticae descriptae sunt.
Virus anno 2019 Wuhan in urbe Sinica, climate subtropico humido, primo agnotum est; ibi multi homines pneumonia laborantes observati sunt. Putatur novum coronavirus 2019-nCoV, ut SARS-CoV originis zoonoticae esse. Qua de causa morbus respiratorius designatur zoonosis nomine COVID-19 (morbus coronaviri anno 2019 agnotum, interdum vulgo pneumonia Wuhaniensis).
Morbus hic, ex Sinis egressus, tribus mensibus (mensibus Decembri anni 2019 et Ianuario Februarioque anni 2020) se in multas orbis terrarum civitates propagabat.
Viro capsida est, ut omnibus coronaviris, sub microscopio electronico formae coronae, de qua virus nomen suum emanavit.
Diameter circiter 50–200 nm (cf. Influenza A virus: 80-120 nm) metitur.
Intra virus invenitur genoma ex ARN compositum, quod cinctum est globuliformi capsida; illae sunt duo genera proteinorum, E et M. Superficie eius permultae spinae locatae sunt. Licet, ut non solum virus SARS-CoV, sed etiam SARS-CoV-2 spinis his enzymum angiotensinum convertens 2 attingeret.
In virologia, ut influenza A virus, phylo negarnaviricotorum attributum est. Quamquam adhuc novum hoc coronavirus in taxinomia ICTV officiali (2018b) non inclusum est, tamen putatur se sarbecoviris attribuendum esse sub Betacoronaviris in ordine Nidoviralium. SARS-CoV-2 est virus biologicum cum ARN substantia genetica.
Coronovirus Wuhaniense est virus ARN monocatenarium sensu positivo, quod significat:
Genoma viri SARS-CoV-2 illo viri SARS-CoV valde simile videtur: circiter 79% codicis genetici sunt eiusdem ordinis. Similitudo genomati unius vespertilionis betacoronavirorum etiam 96.3% aestimata est. Pro eo quidam originem pandemiae 2020 ex vespertilionibus esse putant. Videntur mutationes geneticae betacoronaviri vespertilionis (at non SARS-CoV) ad glycoproteinum spinas externas formantes velut ad proteinum capsidae spectare.
Genomati virorum SARS partes insunt diversae regiones ORF (Anglice: open reading frames, margines lectoriae apertae); velut proteina structurae, vocitantur S, E, M, N; in SARS-CoV-2:
M. L. A. | Litt. | Productum | Genum | Numerus aminoacidorum | Notae | Fons |
---|---|---|---|---|---|---|
ORF1a | 4 405 | 16 proteinorum non structuralium | Uniprot | |||
ORF1b | Uniprot | |||||
ORF2 | S | Spinae / protuberantiae | 1 282 | proteinum structurale spinarum | ||
ORF3a | proteina accessoria | 275 | ||||
ORF3b | proteinum novum | |||||
ORF4 | E | proteinum E | 75 | proteinum structurale capsidae | ||
ORF5 | M | proteinum M | 222 | proteinum structurale | ||
ORF6 | proteina accessoria | 61 | ||||
ORF7a | 121 | |||||
ORF7b | ||||||
ORF8 | 121 | |||||
ORF9a | N | Nucleocapsidum | proteinum structurale nucleocapsidi | |||
ORF9b | 419 | |||||
ORF10* | ||||||
Summa | 9 860 | 29 891 nucleotida |
Genum haemagglutinini esterasis, ut in alphacoronaviris (αCoV), in SARS-CoV-2 abest.
Partibus ORF1a et ORF1b genomatis informatio proteinorum 16 non structuralium (pns 1-16) insunt ut:
SARS CoV 2 varietates frequenter evolvunt. Adhuc variantes geneticae proteini S se evolvebant.
Adhuc plus quam 4000 mutationes geneticae notae sunt. Per exemplum:
Receptorium virorum et SARS-CoV et SARS-CoV-2 videtur enzymum angiotensinum convertens 2, quod in variis organis locatum est, imprimis in cellulis alveolaribus pulmonum velut enterocytis intestini tenuis, paulo minus in aliis partibus organismi, ut in tractu gastrointestinali, renibus, cute.
Uniformis informatio temporis vitae novi coronaviri potuit elaborari, valores scilicet adhuc divulgati ab horis paucis ad dies multos variant, sane de variis generis superficierum pendentes:
In natura viri SARS-CoV in vespertilionibus versantur; cetera vero coronavirorum etiam in avibus. Virus SARS-CoV-2 est unum ex septem coronaviris (OC43, HKU1, NL63, 229E, MERS-CoV, SARS-CoV), quod homines afficere potest. Anno 2020 permultae contagiones causa fuerunt pandemiae, cuius morbi nomen COVID-19 iussum est.
Nondum in homines morbo propagato, hoc virus in vespertilionibus versabatur.
Iam anno 2015 in vespertilionibus diversa quinque genomata virorum SARS investigabantur. Hodie coniunctio inter vira SARS vespertilionum et homines putatur: post mutationes minores et glycoproteini S spinarum et capsidae viri in homines diffuderunt.
Vespertiliones chiropteris attribuuntur. Post rodentia chiropteris sunt genera plus quam mille, secunda omnium mammalium. Animalia haec in transmissione plus quam sexaginta virorum vincta sunt. Suspicatur inter chiroptera quibusdam speciebus facultatem esse certa vira disseminandi vel transmittendi - ut quaedam ex coronaviridis, rhabdoviridis, paramyxoviridis, ebolaviris.
Tempus inter contagionem et symptomata prima plerumque dies quinque (2-14), rarius ad viginti quattuor dies complectitur.
Primum febris, myalgiae (dolores musculorum), et tussis sicca oriuntur, communiter cum generali corporis fatigatione vel lassitudine, ex quo pneumonia inflammatio pulmonum vel partium illorum observari potest.
Iam mense Decembris anni 2019 in China quidam homines pneumonias contraxerunt. Suspicatae origines sunt nundinae conchyliorum urbe Wuhan. Tempore brevi contagiones viro toto in orbe terrarum porrexerunt, proinde die 11 Martii 2020 Ordo mundi sanitarius COVID-19 pandemiam declaravit.
Vicimedia Communia plura habent quae ad SARS-CoV-2 spectant. |
Vide "SARS-CoV-2" apud Vicispecies. |
Situs scientifici: • NCBI • Encyclopedia of Life |
Haec stipula ad biologiam spectat. Amplifica, si potes! |
This article uses material from the Wikipedia Latina article SARS-CoV-2, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.